ក្រុមហ៊ុនចិននឹងដេញបុគ្គលិកពីការងារ បើហ៊ានទិញ iPhone 7
- 2016-09-26 16:10:09
- ចំនួនមតិ 0 | ចំនួនចែករំលែក 0
ក្រុមហ៊ុនចិននឹងដេញបុគ្គលិកពីការងារ បើហ៊ានទិញ iPhone 7
ចន្លោះមិនឃើញ
កាលពីថ្ងៃ ១៨ កញ្ញាក្រុមហ៊ុនចិនមួយមានទីតាំងនៅខេត្ត Henan បានប្រកាសពីគោលការណ៍ថ្មីរបស់ក្រុមហ៊ុន ដោយហាមមិនឲ្យបុគ្គលិកទិញ iPhone 7 និង iPhone 7 Plus ប្រើឡើយ។
យោងតាមគោលការណ៍ថ្មីនេះប្រសិនបុគ្គលិកណាម្នាក់ទិញ ឬ ប្រើ iPhone ជំនាន់ថ្មីរបស់ Apple នោះពួកគេនឹងត្រូវបង្ខំឲ្យលាឈប់ពីការងារ។ ក្រុមហ៊ុនសង្ឃឹមថាដោយអនុវត្តតាមគោលការណ៍ បុគ្គលិកនឹងអើពើកាន់តែខ្លាំងចំពោះសុខភាពឪពុកម្ដាយរបស់ពួកគេ, ការចិញ្ចឹមកូនៗ និង ក្ដីសុខក្នុងជីវិត។
ការកំណត់នេះដែរក៏នឹងលើកទឹកចិត្តឲ្យបុគ្គលិកទាំងឡាយទិញផលិតផលក្នុងស្រុកប្រើប្រាស់ ដើម្បីគាំទ្រប្រទេសជាតិរបស់ខ្លួន។ គោលការណ៍នេះដែរក៏ទទួលបានការចាប់អារម្មណ៍ខ្លាំងពីសំណាក់អ្នកប្រើប្រាស់បណ្ដាញសង្គមចិន Weibo។ អ្នកប្រើប្រាស់ខ្លះបានបង្ហាញទឹកចិត្តគាំទ្រនឹងការហាមឃាត់នេះ ចំណែកឯអ្នកប្រើប្រាស់ខ្លះទៀតយល់ថានេះជាការហាមឃាត់ដ៏ល្ងង់ខ្លៅមួយ។
រំលឹកថាកាលពីខែកក្កដាកន្លងទៅក៏មានក្រុមហ៊ុនចិនឈ្មោះ Bina Technology បានសម្រេចហាមបុគ្គលិកខ្លួន មិនឲ្យប្រើប្រាស់ iPhone ដើម្បីបង្ហាញការមិនពេញចិត្តបន្ទាប់ពីការសម្រេចចិត្តរបស់តុលាការក្រុងឡាអេ ដែលកាត់ឲ្យចិនចាញ់លើរឿងក្ដីសមុទ្រចិនខាងត្បូង៕
ចុចអាន៖ ក្រុមហ៊ុនចិនហាមបុគ្គលិកមិនឲ្យប្រើ iPhone ក្រោយចាញ់ក្ដីសមុទ្រចិនខាងត្បូង
ប្រែសម្រួល៖ ហៃ សុខហេង ប្រភព៖ shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
