មេ Facebook គ្រោងចាប់ផ្ដើមយុទ្ធនាការស្វែងរកជីវិតលើភព ជិតភពផែនដី

2016-09-26 16:57:34
ចំនួនមតិ 0 | ចំនួនចែករំលែក 0

ចន្លោះមិនឃើញ

Mark Zuckerberg នាយកប្រតិបត្តិ Facebook, លោក Yuri Milner សហគ្រិនរុស្សី និង សាស្ត្រាចារ្យរូបវិទ្យាលោក Stephen Hawking បានបង្ហាញពីផែនការ ស្វែងរកសញ្ញានៃជីវិតលើភព Proxima b ដែលមានចម្ងាយ ៤ ឆ្នាំពន្លឺពីផែនដី។

Mark Zuckerberg, Yuri Milner និង Stephen Hawking

បុគ្គលល្បីល្បាញទាំងបីរូបនេះបានបណ្ដាក់ទុនជាទឹកប្រាក់ ១០០ លានដុល្លារ លើគម្រោងការឈ្មោះ "Breakthrough Listen” ដែលនឹងប្រើប្រាស់តេឡេស្កុបមានឥទ្ធិពលមហិមា ដើម្បីស្ដាប់សារសំឡេងជីវិតក្រៅភព។ ដើមខែក្រោយនេះក្រុមនៃគម្រោង "Breakthrough Listen” នឹងចាប់ផ្ដើមស្វែងរករលកវិទ្យុ ដោយប្រើប្រាស់ស្ថានីយអង្កេតអវកាស Parkes Observatory នៃប្រទេសអូស្ត្រាលី។

ភព Proxima b ជាភពទើបប្រទះឃើញកាលពីចុងខែសីហាកន្លងទៅ ដោយភពនេះសម្បូរទៅដោយថ្ម ដែលក្រុមអ្នកវិទ្យាសាស្ត្រយល់ថាវាមានលក្ខខណ្ឌសមស្របអាចទ្រទ្រង់ជីវិតឲ្យរស់នៅបាន៕

ចុចអាន៖ ប្រទះឃើញភពអាចឲ្យមនុស្សរស់នៅបាន មានចម្ងាយ ៤ ឆ្នាំពន្លឺពីផែនដី

ប្រែសម្រួល៖ ហៃ សុខហេង ប្រភព៖ DailyMail