Fan Bingbing និងសត្រូវសួរពូជក្នុងរឿង "មហិច្ឆតាអ៊ូម៉ីនាង" ប្រជែងសម្រស់លើដីបារាំង

2016-10-05 13:00:12
ចំនួនមតិ 0 | ចំនួនចែករំលែក 0

ចន្លោះមិនឃើញ

វត្តមានរបស់កំពូលតារាសម្ដែងចិន Fan Bingbing និង Zhang Xinyu ជាសត្រូវសួរពូជគ្នាក្នុងរឿង "មហិច្ឆតាអ៊ូម៉ីនាង" ក្នុងកម្មវិធីនាពេលថ្មីៗនេះបានទាក់ទាញចំណាប់អារម្មណ៍មនុស្សជាច្រើន។

វាបានក្លាយជាទំនៀមទម្លាប់ទៅហើយដែលរាល់ឆ្នាំតារាស្រីចិនតែងមានមុខនៅក្នុងកម្មវិធីបង្ហាញម៉ូដលើឆាកអន្តរជាតិ។ ដូចសព្វមួយដងដែរ តារាសម្ដែងស្រីស្រស់ស្អាត Fan Bingbing បានក្លាយជាចំណីចក្ខុអារម្មណ៍នៅពេលមានវត្តមាននៅក្នុងកម្មវិធីបង្ហាញម៉ូដរបស់ម៉ាកសំលៀកបំពាក់ Valentino ដែលស្ថិតក្នុងកម្រងកម្មវិធី Paris Fashion Week របស់ប្រទេសបារាំង។

ខុសពីលើកមុនៗដែលតួរឿង "ព្រះនាងយេយេ" តែងស្លៀករ៉ូបវែងអូសដីនោះ លើកនេះស្រីស្អាតវ័យ៣៥ឆ្នាំបានប្ដូរស្ទីលមកស្លៀកខោ និងអាវពណ៌ស៊ីជម្ពូវិញម្ដង។

Fan Bingbing

មានវត្តមាននៅក្នុងកម្មវិធីនេះដែរ គឺតួឈ្នានីសរបស់ Bingbing តារាសម្ដែងស្រី Zhang Xinyu។ បើទោះបីជាលេចធ្លោ និងគួរឲ្យចាប់អារម្មណ៍ក៏ដោយ តែស្ទីលស្លៀកពាក់របស់តួរឿង "មិហិច្ឆតាអ៊ូម៉ីនាង" មិនត្រូវបានគេវាយតម្លៃខ្ពស់នោះទេ។ ក្រៅពីស្រីស្រស់ទាំង២ខាងលើ Paris Fashion Week ឆ្នាំនេះក៏មានការចូលរួមពីតារាស្រីចិនជាច្រើនទៀតដែរ៕