អ្នកទេសចរបរទេសនៅថៃគួរធ្វើអ្វីខ្លះ ក្រោយព្រះចៅភូមិបុលចូលទិវង្គត ?
- 2016-10-15 18:35:02
- ចំនួនមតិ 0 | ចំនួនចែករំលែក 0
អ្នកទេសចរបរទេសនៅថៃគួរធ្វើអ្វីខ្លះ ក្រោយព្រះចៅភូមិបុលចូលទិវង្គត ?
ចន្លោះមិនឃើញ
ខណៈពេលប្រទេសថៃកំពុងកាន់ទុក្ខ បន្ទាប់ពីមហាក្សត្រភូមិបុល អាប់ឌុលយ៉ាដេត សោយទិវង្គត ប្រការខាងក្រោមខ្លះៗ ដែលអ្នកទេសចរបរទេសចាំបាច់ត្រូវដឹង។
រដ្ឋាភិបាលក្រុងបាងកក បានប្រកាសឲ្យប្រជាជនកាន់ទុក្ខរយៈពេលមួយឆ្នាំ ទង់ជាតិត្រូវបង្ហូតពាក់កណ្ដាលដងរយៈពេល ៣០ថ្ងៃ និងស្នើឲ្យគ្រប់គ្នាចៀសវាងមានព្រឹត្តិការណ៍សប្បាយៗ។
តើភ្ញៀវបរទេសគួរស្លៀកពាក់អ្វី អំឡុងពេលប្រជាជនថៃកាន់ទុក្ខ?
អ្នកទេសចរទាំងឡាយ ត្រូវណែនាំឲ្យធ្វើអាកប្បកិរិយាសមរម្យ និងបង្ហាញការគោរពដល់ទំនៀមទម្លាប់ថៃ ដែលមានចែងក្នុងច្បាប់ជាតិ។
រដ្ឋាភិបាលថៃស្នើឲ្យពលរដ្ឋស្លៀកពាក់ខ្មៅបង្ហាញការកាន់ទុក្ខទូទាំងប្រទេស។ ឯស្ថានទូតអង់គ្លេសវិញបានណែនាំឲ្យពលរដ្ឋខ្លួន បើអាចស្លៀកពាក់ខោអាវឬពណ៌ស្រអាប់ និងមានសកម្មភាពបែបគោរពនៅទីសាធារណៈ តែតាមរមណីយដ្ឋានឆ្នេរសមុទ្រអាចស្លៀកឈុតងូតទឹកបានធម្មតា។
តើអ្នកទេសចរ អាចចេញទៅលេងកន្លែងណាខ្លះនៅទីក្រុង?
រាល់កន្លែងបម្រើសេវាកម្សាន្តទាំងអស់ត្រូវបិទទ្វាររយៈពេល ៣០ថ្ងៃ ឯហាងទំនិញលក់ដូរត្រូវរឹតបន្តឹង ហើយអ្នកទាំងនោះត្រូវមានកាយវិការសមរម្យ។
ចំណែកក្រសួងការបរទេសហូឡង់ បានក្រើនរម្លឹកអ្នកទេសចរខ្លួនដែលធ្វើដំណើរទៅថៃ ចៀសវាងការប្រកាស ឬពិភាក្សារិះគន់គ្រួសាររាជវង្ស ហើយពួកគេត្រូវដាក់លិខិតសម្គាល់ខ្លួនជាប់ជានិច្ច។
គួររំលឹកឡើងវិញថា ច្បាប់ការពារព្រះមហាក្សត្រ និងគ្រួសាររាជវង្សថៃ ស្ថិតក្នុងចំណោមច្បាប់តឹងរ៉ឹងបំផុតក្នុងលោក និងមានទោសធ្ងន់ធ្ងរបើប្រមាថ ឬគំរាមកំហែង៕
ប្រែសម្រួល៖ ឡេង ភារុណ ប្រភព៖ BBC
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
