ទិន ហ្វី និងShu Qi ជាប់ឈ្មោះចាក់អ្នកមានគុណរបស់ខ្លួនពីក្រោយខ្នង

2016-10-18 13:00:34
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះជាមានឈ្មោះល្បីដោយសារមនុស្សទាំងនេះក៏ពិតមែន តែនៅពេលចាប់ផ្ដើមមានកេរ្តិ៍ឈ្មោះបោះសំឡេង ទាំងទិន ហ្វី និងShu Qi សុទ្ធតែបែរមកចាក់អ្នកមានគុណរបស់ខ្លួនវិញពីក្រោយខ្នង។

ទិន ហ្វី និងអ្នកដឹកនាំរឿង Danny Lee

កាលមិនទាន់មានឈ្មោះល្បី តារាសម្ដែងStephen Chow មានសំណាងត្រូវបានអ្នកដឹកនាំរឿង Danny Lee ប្រគល់ឲ្យតួឯកក្នុងភាពយន្ត "Final Justice”។ ដោយសារឱកាសនេះដែរ ស្ដេចកំប្លែងហុងកុងបានឈ្នះពានក្នុងកម្មវិធីប្រគល់រង្វាន់ "Golden Horse” ហើយនេះក៏ជាទំព័រថ្មីនៃជីវិតរបស់តួនេះដែរ។ យ៉ាងណាក៏ដោយ ក្រោយពេលមានកេរ្តិ៍ឈ្មោះ តួរឿង"តុលាការមុខដែក" បែរជាមិនទុកមុខឲ្យអ្នកមានគុណរបស់ខ្លួនទៅវិញ។ ទិន ហ្វីតែងទារតម្លៃខ្លួនខ្ពស់កប់ពពករាល់ពេលបានអ្នកដឹកនាំរឿង Danny អញ្ជើញម្ដងៗ។ មិនត្រឹមតែប៉ុណ្ណោះ តារាវ័យ៥៤ឆ្នាំថែមទាំងបានរិះគន់រឿងរបស់អ្នកដឹកនាំខាងលើថាភ្លាវ គ្មានជាតិចូវទៀតផង។

នៅក្នុងអាជីពសម្ដែងរបស់ខ្លួន Shu Qi ទទួលគុណពីមនុស្ស២រូបគឺអ្នកដឹកនាំរឿង Wong Jing និងអ្នកគ្រប់គ្រង Wan Tien។ អ្នកគ្រប់គ្រង Wan Tien ក៏ជាបុគ្គលដែលណែនាំតួរឿង "Transporter” ឲ្យស្គាល់អ្នកដឹកនាំ Wong Jing ផងដែរ។ គួរឲ្យសោកស្ដាយ ចំណងមិត្តភាពរបស់អ្នកទាំង២ត្រូវបានប្រេះឆាទាំងស្រុងនៅពេល Shu Qi របូតឱកាសសម្ដែងតួឯកក្នុងភាពយន្ត "Crouching Tiger, Hidden Dragon”។ ស្រីស្អាតវ័យ៤០ឆ្នាំបានទម្លាក់កំហុសទៅលើអ្នកគ្រប់គ្រងរបស់ខ្លួនថា ដោយសារតែលោកទើបនាងមិនអាចលេងរឿងនេះបាន ហើយនាងក៏បានស្ដីឲ្យ Wan Tien ថាជាមនុស្សគ្មានបានការដែរ៕

ចុចអាន៖គយគន់សម្រស់របស់អតីតមិត្តស្រីទិន ហ្វី ក្រោយ២០ឆ្នាំ

ប្រែសម្រួល៖ សុវណ្ណផៃ ប្រភព៖zing