Honor 6X បំពាក់សុទ្ធតែកាមេរ៉ាភ្លោះ តម្លៃត្រឹម ១៤៨ ដុល្លារ

2016-10-19 16:23:35
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei បានប្រកាសស្មាតហ្វូនថ្មីមួយម៉ូដែលទៀតហើយគឺ Honor 6X ដែលជាស្មាតហ្វូនមានបំពាក់បច្ចេកវិទ្យាកាមេរ៉ាភ្លោះ ជាមួយតម្លៃទាបមិនគួរឲ្យជឿ។

ចំណុចពិសេសរបស់ Honor 6X នេះមានដូចជាអេក្រង់ ៥,៥ អ៊ីញ ដែលអាចបង្ហាញរូបភាពកម្រិត 1080p, ប្រើបន្ទះ Chip Kirin 655 SoC, GPU Mali T830-MP2 រួមជាមួយជម្រើស RAM 3GB ឬ 4GB សម្រាប់អង្គផ្ទុកទំហំ 32 GB និង ជម្រើស RAM 4GB សម្រាប់ម៉ូដែលមានអង្គផ្ទុកទិន្នន័យទំហំ 64GB។

នៅផ្នែកខាងក្រោយគឺជាប្រព័ន្ធកាមេរ៉ាភ្លោះដោយមានកាមេរ៉ាមេកម្រិត 12MP ប្រើប្រាស់ឡេនប្រភេទ 6P ចំណែកឯកាមេរ៉ាមួយទៀតមានកម្រិត 2MP។ ក្រុមហ៊ុនមិនបានបញ្ជាក់ឡើយថាប្រព័ន្ធកាមេរ៉ាភ្លោះនេះមានចំណុចពិសេសយ៉ាងណានោះ។ ចំពោះកាមេរ៉ាខាងមុខសម្រាប់ការថត Selfie វិញមានកម្រិត 8MP។

Honor 6X ក៏មានមុខងារស្កេនក្រយៅដៃ, ប្រព័ន្ធស៊ីមកាត Hybrid (អាចប្រើដាក់ស៊ីមកាត ២ ឬ ដាក់ស៊ីមកាត ១ និង មេមូរីកាត ១), អាចទ្រាំទ្របច្ចេកវិទ្យា 4G និងមានថាមពលថ្ម 3340mAh ដែលអាចសាកបញ្ចូលឆាប់ពេញ។

ទាក់ទងនឹងតម្លៃវិញ ម៉ូដែល RAM 3GB/អង្គផ្ទុក 32GB មានតម្លៃប្រមាណ ១៤៨ដុល្លារ, ម៉ូដែល 4GB/32GB តម្លៃប្រមាណ ១៩២ ដុល្លារ និង ម៉ូដែល 4GB/64GB តម្លៃប្រមាណ ២៣៧ ដុល្លារ។ Honor 6X បានបើកទទួលការកុម្ម៉ង់ថ្ងៃនេះនៅប្រទេសចិន ដោយចេញលក់ផ្លូវការនៅថ្ងៃ ២៥ ខែតុលា៕

ចុចអាន៖ BlackBerry ម៉ូដែលថ្មីនៅតែមានក្តាចុច Physical

ប្រែសម្រួល៖ ហៃ សុខហេង ប្រភព៖ GSMArena