ទូរសព្ទសមត្ថភាពខ្លាំង តម្លៃថោក បែរគ្មានអ្នកចាប់អារម្មណ៍

2016-10-20 20:19:32
ចំនួនមតិ 0 | ចំនួនចែករំលែក 0

ចន្លោះមិនឃើញ

LeEco ក្រុមហ៊ុនទូរសព្ទចុងក្រោយដែលបានប្រឡូកចូលពិភពទូរសព្ទ Android តម្លៃទាប បានប្រកាសចេញស្មាតហ្វូនមួយម៉ូដែល ដែលមានតម្លៃថោក រួមទាំងមានសមត្ថភាពខ្លាំង។

ស្មាតហ្វូនមានម៉ូដែល Le Pro 3 ដែលដំណើរការដោយប្រព័ន្ធប្រព័ន្ធប្រតិបត្តិការ Android 6.0 Marshmallow រួមជាមួយបន្ទះ Chip Snapdragon 821 ដូចដែលមានលើស្មាតហ្វូនកំពូល Pixel និង Pixel XL របស់ Google ដែរ។ អេក្រង់មានទំហំ ៥,៥ អ៊ីញ, កាមេរ៉ាកម្រិត 16 MP, មុខងារស្កេនក្រយៅដៃ, ថ្មទំហំដល់ទៅ 4000 mAh និង មាន RAM ទំហំ 4GB ឯណោះ។

លក្ខណៈសម្បត្តិខ្លាំងប៉ុណ្ណេះប៉ុន្តែក្រុមហ៊ុន LeEco កំណត់តម្លៃ Le Pro 3 ត្រឹម ៣៩៩ ដុល្លារ ប៉ុន្តែពេលទិញក្រុមហ៊ុននឹងបង្វិលប្រាក់ឲ្យវិញ ៩៩ ដុល្លារ។ នេះមានន័យថាតម្លៃទូរសព្ទសល់ត្រឹម ៣០០ ដុល្លារ ប៉ុណ្ណោះ។ Le Pro 3 នឹងចេញលក់ផ្លូវការនៅសហរដ្ឋអាមេរិកនាថ្ងៃទី ២ ខែវិច្ឆិកា។

ត្បិតថាមានតម្លៃថោក ព្រមទាំងលក្ខណៈសម្បត្តិខ្លាំង ប៉ុន្តែស្មាតហ្វូនម៉ូដែលនឹងពិបាកទាក់ទាញចំណាប់អារម្មណ៍អ្នកប្រើប្រាស់ដោយសារតែម៉ាកសញ្ញាមិនសូវមានអ្នកស្គាល់ច្រើន៕

ចុចអាន៖ តែ ១៨ ថ្ងៃសោះ Xiaomi អាចលក់ទូរសព្ទបាន ១ លានគ្រឿងនៅឥណ្ឌា

ប្រែសម្រួល៖ ហៃ សុខហេង ប្រភព៖ BGR