អ្នកចូលចិត្តថតរូប ច្បាស់ជាស្រឡាញ់ស្មាតហ្វូនមួយនេះ

2016-10-21 17:03:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនជំនាញខាងផ្នែកផលិតរូបភាព Kodak ទើបបានបញ្ចេញស្មាតហ្វូនថ្មីមួយម៉ូដែល Kodak Ektra ដែលផលិតឡើងសម្រាប់តម្រូវចិត្តអ្នកស្រឡាញ់ការថតរូប។

ចំណុចខ្លាំងរបស់ស្មាតហ្វូននេះគឺនៅលើកាមេរ៉ាផ្ទាល់តែម្ដង ដោយមានកម្រិត 21 MP, ឡេនទំហំ f/2.0, មានបំពាក់បច្ចេកវិទ្យារក្សាលំនឹងរូបភាព OIS និងប្រព័ន្ធ Focus រូបភាព Phase Detection AF។ កាមេរ៉ាដែលមានភ្ជាប់ជាមួយភ្លើង LED ២ គ្រាប់នេះក៏អាចថតវីដេអូក្នុងកម្រិត 4K បានផងដែរ។ នៅផ្នែកខាងមុខមានកាមេរ៉ាសម្រាប់ Selfie កម្រិត 13 MP។

ការថតរូប និង វីដេអូលើទូរសព្ទនេះក៏មានមកស្រាប់នូវមុខងារជាច្រើនសម្រាប់ឲ្យជ្រើសរើស។ ចំពោះការថតរូបមានដូចជាមុខងារ Smart Auto, Manual, HDR, Landscape, Portrait, Macro, Sport, Night, Bokeh និង Panorama ជាដើម។ ចំពោះការថតវីដេអូអ្នកអាចសាកល្បងនូវមុខងារ grains, vignettes និង Super 8 ជាដើម។

និយាយពីអេក្រង់របស់ Kodak Ektra វិញមានទំហំ ៥ អ៊ីញ អាចបង្ហាញរូបភាពនៅកម្រិត 1080p, ដើរដោយបន្ទះ Chip Helio X20, RAM 3GB និង អង្គផ្ទុកទិន្នន័យក្នុងម៉ាស៊ីន 32GB។ មិនតែប៉ុណ្ណោះក៏មានរន្ធសម្រាប់ដោតមេមូរីដើម្បីបន្ថែមទំហំផងដែរ និង មានថ្មទំហំដល់ 3000 mAh។

Kodak Ektra នឹងចេញលក់ជាផ្លូវការនៅចក្រភពអង់គ្លេសនាអំឡុងខែធ្នូខាងមុខនេះ ដោយមានតម្លៃ ៤៥០ ផោន ឬ ស្មើនឹងប្រមាណ ៥៥០ ដុល្លារ៕

ខាងក្រោមជារូបភាពថតចេញពី Kodak Ektra៖