ក្រុមអ្នកជិះកង់កម្ពុជា-ថៃជាង ១ពាន់នាក់ រួមគ្នាជិះកង់ដើម្បីកាន់ទុក្ខព្រះមហាក្សត្រថៃ

2016-10-23 18:18:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកជិះកង់ខេត្តបន្ទាយមានជ័យ ៤០នាក់ និងក្រុមអ្នកជិះកង់ថៃប្រមាណ ១៦០០នាក់ទៀត បានរួមគ្នាជិះកង់ពីខេត្តសុរិន្ទ្រ ប្រទេសថៃ ឆ្ពោះមកខេត្តឧត្តរមានជ័យ ដើម្បីកាន់ទុក្ខព្រះមហាក្សត្រ ភូមិបុល អាឌុលយ៉ាដេត និងក្នុងគោលបំណងរឹតចំណងសាមគ្គីភាពរវាងប្រទេសទាំង២។

លោក លី យ៉ុងប៉ ដែលជាតំណាងក្រុមអ្នកជិះកង់ខេត្តបន្ទាយមានជ័យ បាននិយាយថា កម្មវិធីនេះរៀបចំដោយភាគីថៃ ហើយការធ្វើដំណើរគឺចេញពីគោលដៅ ក្រុងកាប់ជើង ខេត្តសុរិន្ទ្រ ប្រទេសថៃ ឆ្ពោះមកស្រុកសំរោង ខេត្តឧត្តរមានជ័យ ប្រទេសកម្ពុជា ក្នុងរយៈចម្ងាយផ្លូវ ៥៩គីឡូម៉ែត្រ។

ក្រុមអ្នកជិះកង់ទាំងពីរប្រទេសមានចំនួនប្រមាណជាង ១៦០០នាក់ ហើយការធ្វើដំណើរបានប្រកបដោយសុវត្ថិភាពកាលពីថ្ងៃទី២២ ខែតុលាម្សិលមិញនេះ។ អ្នកជិះកង់ទាំងអស់បានចាប់ផ្ដើមពីម៉ោងប្រហែល ៩ព្រឹកពីខេត្តសុរិន្ទ្រ ហើយដល់ទីតាំងនៅខេត្តឧត្តរមានជ័យនៅម៉ោងប្រហែល១ រសៀល៕