ស្ត្រីចិត្តសឿង ដំបូងគេបង្អស់ ដែលបានឡើងភ្នំ Everest ស្លាប់បាត់ហើយ!
- 2016-10-24 15:35:31
- ចំនួនមតិ 0 | ចំនួនចែករំលែក 0
ស្ត្រីចិត្តសឿង ដំបូងគេបង្អស់ ដែលបានឡើងភ្នំ Everest ស្លាប់បាត់ហើយ!
ចន្លោះមិនឃើញ
ស្ត្រីដំបូងគេបង្អស់ ដែលបានឡើងលើភ្នំ Everest អ្នកស្រី Junko Tabei បានស្លាប់ហើយ នៅអាយុ៧៧ឆ្នាំ។
អ្នកស្រី Tabei ជាជនជាតិជប៉ុន បានឡើងលើភ្នំ Everest ដែលមានកម្ពស់ ៨ ៨៤៨ម៉ែត្រ ខ្ពស់បំផុតលើពិភពលោក នៅក្នុងខែឧសភា ឆ្នាំ១៩៧៥ នៅអាយុ ៣៥ឆ្នាំ ហើយបានបន្តឡើងភ្នំខ្ពស់បំផុតលើពិភពលោក ចំនួន ៧ ផ្សេងទៀត រហូតដល់ឆ្នាំ១៩៩២។ ភ្នំចុងក្រោយបង្អស់ ដែលអ្នកស្រី Tabei បានឡើង គឺភ្នំ Mount Fuji នៅក្នុងខែកក្កដា ឆ្នាំ២០១១ ជាមួយសិស្សវិទ្យាល័យ ដែលបានទទួលរងផលប៉ះពាល់ ពីការរញ្ជួយដី និងព្យុះស៊ូណាមី។
អ្នកស្រី Tabei ដែលមានដើមកំណើតនៅខេត្ត Fukushima បានកើតមានជំងឺមហារីកពោះវៀន កាលពី ៤ឆ្នាំមុន ហើយបានស្លាប់ នៅមន្ទីរពេទ្យមួយកន្លែង ក្នុងទីក្រុង Saitama ប្រទេសជប៉ុន។
គួរបញ្ជាក់ផងដែរថា ការឡើងទៅលើភ្នំ Everest ដោយជោគជ័យរបស់អ្នកស្រី Tabei គឺបានកើតឡើង រយៈពេល១២ថ្ងៃ ក្រោយពេលដែលអ្នកស្រី ត្រូវកម្ទេចព្រិលនៅលើភ្នំ បោកបក់ចេញឆ្ងាយ តែត្រូវបានមគ្គុទ្ទេសក៍ ជួយជីកចេញពីកម្ទេចព្រិល ហើយក៏បន្តបេសកកម្ម រហូតបានសម្រេចតែម្តង៕
ប្រែសម្រួល ៖ សេង ឡុង ប្រភព ៖ BBC