កុងស៊ុនជឺប្រែក្លាយជាមនុស្សស្រីក្នុងរឿង "តុលាការមុខដែក" ឆ្នាំ២០១៧

2016-10-25 16:20:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ខុសពីសព្វមួយដងដែលតួអង្គកុងស៊ុនជឺតែងត្រូវបានសម្ដែងដោយតារាសម្ដែងប្រុសនោះ នៅក្នុងរឿង "Justice Pao” ឆ្នាំ២០១៧ តួអង្គនេះនឹងត្រូវបានរ៉ាប់រងដោយតារាសម្ដែងស្រីវិញ។

មុននេះបន្តិច បណ្ដាញព័ត៌មានSina បានឲ្យដឹងថារឿងភាគ "តុលាការមុខដែក" ស៊េរីថ្មីឆ្នាំ២០១៧ដែលចាប់ផ្ដើមថតកាលពីខែកក្កដានោះ នៅពេលនេះបានថតចប់សព្វគ្រប់ហើយ។ ដូចនឹងពាក្យចចាមអារ៉ាមមុននេះពិតមែន តួអង្គកុងស៊ូនជឺត្រូវបានអ្នកដឹកនាំផ្លាស់ប្ដូរពីច្បាប់ដើមទាំងស្រុង។ តាមនោះដែរ តួជំនួយការរបស់លោកម្ចាស់ប៉ាវត្រូវបានតារាសម្ដែងស្រី Zhang Zhixi ជាអ្នកទទួលបន្ទុក។

តារាសម្ដែង Zhang Zhixi

តាមការទម្លាយរបស់អ្នកដឹកនាំរឿង ដើមឡើយកុងស៊ុនជឺក្នុងរឿងថ្មីនេះគឺជាព្រះនាងមួយរូប តែចូលចិត្តក្លែងខ្លួនធ្វើជាមនុស្សប្រុសដើម្បីតាមបំបែករឿងក្ដីជាមួយប៉ាវ ជីងធាន។ ជាមួយគ្នានេះដែរ បើទោះបីជាសម្រស់របស់ Zhang Zhixi ត្រូវបានគេសរសើរថាស្រស់ស្អាតគួរឲ្យចង់គយគន់ក៏ដោយ តែការជ្រើសយកតួស្រីមកដើរតួកុងស៊ុនជឺនៅតែទទួលបានការរិះគន់មិនតិចនោះឡើយ។ "តុលាការមុខដែក" ស៊េរីថ្មីមានប្រវែង៥០ភាគ និងត្រូវបានចាក់ផ្សាយនៅក្នុងខែមីនាឆ្នាំ២០១៧៕