Facebook រកបានមិនដល់ ៥ ដុល្លារពីអ្នកប្រើម្នាក់ៗ តែចំណូលកប់ក្ដោង

2016-11-07 17:56:16
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ហិរញ្ញវត្ថុដែល Facebook បានបញ្ចេញកាលពីសប្ដាហ៍មុនបង្ហាញថា ចន្លោះខែកក្កដា ដល់ខែ កញ្ញាក្រុមហ៊ុនរកចំណូលបាន ៧ ពាន់លានដុល្លារ ស្របពេលដែលចំនួនអ្នកប្រើសកម្មប្រចាំខែកើនដល់ ១,៧៩ ពាន់លាននាក់។

តាមតួលេខខាងលើគេអាចកំណត់បានថានៅត្រីមាសទី ៣ នេះ អ្នកប្រើប្រាស់ម្នាក់ៗជួយរកចំណូលឲ្យ Facebook បានជាមធ្យម ៤,០១ ដុល្លារ។ យ៉ាងណាក្ដីចំណូលនេះមានភាពខុសគ្នាបើគិតតាមតំបន់នីមួយៗ។ ឧទាហរណ៍នៅសហរដ្ឋអាមេរិក និង កាណាដា Facebook អាចទាញយកចំណូល ១៥,៦៥ ដុល្លារ ពីអ្នកប្រើម្នាក់ៗ ចំណែកនៅតំបន់អាស៊ីប៉ាស៊ីហ្វិកអាចទទួលបាន ១,៨៩ ដុល្លារ ពីអ្នកប្រើម្នាក់ៗ។

នៅតំបន់អឺរ៉ុប Facebook អាចស្វែងរកចំណូលបាន ៤,៧២ ដុល្លារ ពីអ្នកប្រើម្នាក់ៗ ហើយនៅតំបន់ដទៃទៀតលើពិភពលោកអាចរកបាន ១,២១ ដុល្លារ ពីអ្នកប្រើប្រាស់មួយរូបៗ។ ចំណូលទទួលបានពីអ្នកប្រើប្រាស់ម្នាក់ៗគ្រប់តំបន់គឺកើនឡើងនៅត្រីមាសទី ៣ បើប្រៀបនឹងត្រីមាសមុន៕

ចុចអាន៖ ត្រឹមមួយថ្ងៃមេ Facebook បាត់បង់ទឹកប្រាក់ ៣ ពាន់លានដុល្លារ

ប្រែសម្រួល៖ ហៃ សុខហេង ប្រភព៖ Facebook