Brad Pitt បង្ហាញខ្លួនសាធារណៈលើកដំបូង ខណៈរឿងវាយ Maddox បានបញ្ចប់

2016-11-10 08:07:52
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជូរមុខអាមេរិក Brad Pitt បានបង្ហាញវត្តមានក្នុងកម្មវិធីសម្ពោធបញ្ចាំងរឿង "Moonlight” កាលពីថ្ងៃអង្គារ នៅទីក្រុង Los Angeles ដែលនេះជាការបង្ហាញខ្លួននៅខាងក្រៅជាលើកដំបូងចាប់តាំងពីភរិយា Angelina Jolie ដាក់ពាក្យលែងលះ ។

ការចូលរួមក្នុងកម្មវិធីសម្ពោធនេះគឺជាការអញ្ជើញរបស់មិត្តសម្លាញ់តារាសម្ដែងស្រី Julia Roberts។ ត្បិតតែតារាប្រុសវ័យ៥២ឆ្នាំកំពុងជួបវិបត្តិលែងលះនិងបរាជ័យក្នុងការសុំសិទ្ធិចិញ្ចឹមកូនទាំង៦ ប៉ុន្តែគេនៅតែព្យាយាមញញឹមដាក់កាមេរ៉ានិងបង្ហាញខ្លួនយ៉ាងល្អ។

យ៉ាងណាមិញ រឿងល្អមួយសម្រាប់ Brad គឺយោងតាមសារព័ត៌មានអាមេរិក រឿងរ៉ាវជេរនិងវាយដំលើកូនចិញ្ចឹមឈាមជ័រខ្មែរ Maddox ត្រូវបានបញ្ចប់ ដោយខាងនាយកដ្ឋានសេវាកុមារនិងគ្រួសារមិនមានការរកឃើញកំហុសអ្វីទាំងអស់។ សារព័ត៌មានបានបញ្ជាក់ថា៖ "អ្នកតំណាងនាយកដ្ឋានសេវាកុមារនិងគ្រួសារទីក្រុង Los Angeles បាននិយាយថា ភ្នាក់ងារមិនបានរកឃើញអ្វីបញ្ជាក់ថា Brad វាយ Maddox ឡើយ។ ហើយពេលដែល Jolie ដាក់ពាក្យលែងលះកាលពីថ្ងៃទី ១៩ ខែ កញ្ញាស្ថិតលើមូលហេតុរស់នៅមិនចុះសម្រុង"។

នាពេលកន្លងទៅសារព័ត៌មានក្នុងទីក្រុងLos Angeles បានពិនិត្យនិងចុះផ្សាយព្រោងព្រាតពីរឿង Brad វាយ Maddox នៅលើយន្តហោះផ្ទាល់ខ្លួន ហើយវាក៏ជាដើមទងមួយដែលនាំឲ្យ Jolie ដាក់ពាក្យលែងលះ។ ប៉ុន្តែពេលនេះអ្វីៗបានដឹងអស់ហើយ ដោយគេមិនបានរកឃើញ Pitt វាយកូនរបស់ខ្លួនឡើយ។ ហេតុដូច្នេះហើយ Brad មានគម្រោងទាមទារសិទ្ធិចិញ្ចឹមកូនទាំង៦វិញម្ដងទៀត ៕