ភ្ញាក់ពីដំណេកវិញរលាកដៃមួយចំហៀងព្រោះ iPhone 7

2016-11-17 02:37:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីពពោះសញ្ជាតិអូស្ត្រាលីមួយរូបឈ្មោះ Melanie Tan Pelaez បានភ្ញាក់ផ្អើលខ្លាំង ពេលក្រោកពីដំណេកស្រាប់តែឃើញដៃរបស់ខ្លួនរលាកមួយចំហៀងដោយមិនដឹងមូលហេតុ។

ក្រោយបានទៅពិនិត្យនៅឯមន្ទីរពេទ្យ គ្រូពេទ្យឲ្យដឹងថា ស្ត្រីខាងលើបានរងការរលាកកម្រិតទី ២ ដែលបណ្ដាលមកពីវត្ថុអ្វីម្យ៉ាង។ គ្រូពេទ្យបានបន្ថែមទៀតថាឲ្យពិនិត្យមើលជុំវិញគ្រែគេងរបស់នាង ដើម្បីស្វែងរកប្រភពដែលបង្កការរលាកនេះ។ នៅពេលទៅដល់ផ្ទះ Melanie បានដឹងថា iPhone 7 របស់នាងជាអ្នកបង្ករបួសនេះ ដោយសារស្នាមរលាកស៊ីគ្នានឹង iPhone និង ខ្សែសាក ដែលនាងបានដាក់សាកចោលជិតខ្លួនពេលកំពុងគេង។

របាយការណ៍ពីមន្ទីរពេទ្យ

បន្ទាប់មកទៀត Melanie ក៏បានយកទូរសព្ទទៅកាន់ហាង Apple Store ក្នុងស្រុក ដោយក្រុមការងារទៅទីនេះបានប្រាប់ថា ទូរសព្ទនាងមានចំណុចខ្វះខាតអ្វីម្យ៉ាងដែលធ្វើឲ្យវាមានបញ្ហា។ ក្រុមការងារក៏បានយកទូរសព្ទរបស់ Melanie ទៅកាន់ទីស្នាក់ការ Apple នៅទីក្រុង Cupertino រដ្ឋ California ដើម្បីធ្វើការពិសោធន៍។ ទោះបីជាមានការផ្ដល់ជូន iPhone 7 ថ្មីមួយគ្រឿងក្ដីប៉ុន្តែ Melanie មិនទទួលយកឡើយដោយសារលែងមានទំនុកចិត្ត។

ទាក់ទិននឹងរបួសស្នាមខាងលើអាចកើតឡើង ដោយសារស្ត្រីខាងលើបានដាក់ទូរសព្ទជាប់ខ្លួនពេក ធ្វើឲ្យមិនមានលំហូរខ្យល់ ដែលបណ្ដាលឲ្យទូរសព្ទឡើងកម្ដៅក្ដៅ។ ដូចនេះពេលសាកថ្មទូរសព្ទធ្វើយ៉ាងណាត្រូវធ្វើឲ្យទូរសព្ទស្ថិតនៅកន្លែងទូលាយដើម្បីឲ្យកម្ដៅភាយចេញ៕

ចុចអាន៖ OnePlus 3T RAM 6GB តម្លៃថោកជាង iPhone 7 ពាក់កណ្ដាល

ប្រភព៖ PhoneArena ប្រែសម្រួល៖ សុខហេង

ពាក្យទាក់ទង

iPhone 7

អត្ថបទពេញនិយម

សមុទ្រឈើ នៅមណ្ឌលគិរី មើលបែកផ្សែងដាច់កន្ទុយភ្នែកជាប់ជើងមេឃ

E-Sports កម្ពុជា បើនៅវៀតណាមធ្វើមិនបានល្អ អាចមិនមាននៅស៊ីហ្គេម២០២៣

យុវជនមួយក្រុមឈ្មោះ Future Pioneers បានបង្កើតគម្រោង «Green Sphere» ដើម្បីផ្សាភ្ជាប់យុវជនទៅនឹង សហគមន៍និងបរិស្ថានធម្មជាតិ

ការសហការគ្នាប្រកបដោយទំនុកចិត្ត និងការរីកចម្រើន៖ ដំណើរការអាជីវកម្មរបស់ភ្នាក់ងារ សាំង រ័ត្នធីតា និងក្រុមហ៊ុនហ៊ិននីគែន ខេមបូឌា

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ទិវាថ្លើមពិភពលោក ក្រុមហ៊ុន Mega We Care រៀបចំសិក្ខាសាលាដ៏ធំមួយ ប្រមូលផ្តុំដោយ វាគ្មិន និង វេជ្ជបណ្ឌិតជំនាញ

អត្ថបទថ្មី

ព្រះខ័នរាជស្វាយរៀង បំបែកកំណត់ត្រាក្លិបជាលើកដំបូង AFC Challenge League

Ruben Amorim គិតថាអ្នកគាំទ្របានចាកចេញពីកីឡដ្ឋានពេល Lyon នាំមុខ៤-២

Lewandowski ៖ ប្រកួតនេះជាមេរៀនមួយដ៏សំខាន់សម្រាប់កីឡាករវ័យក្មេងទាំងអស់

ប្រវត្តិដំណើរដើមទង ដែលនាំឱ្យមនុស្សស្រីជាច្រើនចូលចិត្តឆ្មា

លោក នួន សូរិយា យល់ថា ពេជ្រ សម្បត្តិ មិនទាន់អាចប៉ះ រត់ថាំង បានទេ