Apple ពិចារណាផលិត iPhone នៅអាមេរិក តម្លៃឡើងគុណជា ២
- 2016-11-18 01:44:11
- ចំនួនមតិ 0 | ចំនួនចែករំលែក 0
Apple ពិចារណាផលិត iPhone នៅអាមេរិក តម្លៃឡើងគុណជា ២
ចន្លោះមិនឃើញ
Apple បានសាកសួរទៅកាន់ដៃគូដំឡើងធំៗរបស់ខ្លួនរួមមានរោងចក្រ Foxconn និង Pegatron ដើម្បីស្វែងរកទីតាំងផលិត iPhone នៅសហរដ្ឋអាមេរិក។ នេះបើតាមការចុះផ្សាយរបស់សារព័ត៌មាន Nikkei។
Foxconn បានចាប់ផ្ដើមអនុវត្តផែនការនេះហើយ នៅឡើយតែ Pagatron ដោយរោងចក្រនេះយល់ឃើញថាអ្វីៗអាចនឹងមានតម្លៃថ្លៃ។ មូលហេតុចម្បងដ៏ធំមួយដែលនាំឲ្យ Apple ពិចារណាផលិត iPhone នៅអាមេរិកព្រោះតែប្រធានាធិបតីទើបជាប់ឆ្នោតលោក ដូណាល់ ត្រាំ បានប្រកាសជាសាធារណៈឲ្យ Apple សង់សង្វាក់ផលិតកម្មនៅអាមេរិក ហើយថែមទាំងបានគំរាមកំហែងលើការដំឡើងពន្ធនាំចូលពីប្រទេសចិន។
នៅអំឡុងជំនួបមួយកាលពីខែមីនា លោក ត្រាំ បានលើកឡើងថា៖ "ខ្ញុំនឹងធ្វើឲ្យ Apple ចាប់ផ្ដើមផលិតកុំព្យូទ័រ និង iPhone នៅក្នុងទឹកដីរបស់យើង មិនមែនប្រទេសចិនឡើយ។ តើយើងបានផលប្រយោជន៍អ្វីខ្លះ បើគេផលិតផលិតផលទាំងនោះនៅប្រទេសចិន?"។
យ៉ាងណាក្ដីមានហេតុផលជាច្រើនដែលធ្វើឲ្យគម្រោងការផលិត iPhone នៅអាមេរិកមិនអាចទៅរួច ទីមួយគឺតម្លៃ ព្រោះការផលិត iPhone នៅអាមេរិកនឹងធ្វើឲ្យតម្លៃឡើងគុណនឹងពីរ។ ម្យ៉ាងវិញទៀតគ្រឿងបន្លាស់ភាគច្រើនដែលប្រើដំឡើង iPhone មានប្រភពពីទ្វីបអាស៊ី ដូចនេះត្រូវចំណាយមួយតង់ទៀតលើការដឹកជញ្ជូនគ្រឿងបន្លាស់ទាំងនោះ។
ទោះបីជា iPhone ផលិតនៅអាមេរិកមែនប៉ុន្តែអ្នកវិភាគសេដ្ឋកិច្ចលើកឡើងថា Apple នឹងប្រើគ្រឿងស្វ័យប្រវត្តិ និង មនុស្សយន្ត ក្នុងសង្វាក់ផលិតកម្មរបស់ខ្លួន ដែលមានន័យថាវាមិនជួយបង្កើតការងារច្រើនដល់ពលរដ្ឋអាមេរិកដូចដែលលោក ត្រាំ ចង់បាននោះទេ៕
ចុចអាន៖ ភ្ញាក់ពីដំណេកវិញរលាកដៃមួយចំហៀងព្រោះ iPhone 7