ប្រកួតទម្ងន់ធ្ងន់ iPhone vs Nikon vs Canon vs Sony
- 2016-11-18 08:23:04
- ចំនួនមតិ 0 | ចំនួនចែករំលែក 0
ប្រកួតទម្ងន់ធ្ងន់ iPhone vs Nikon vs Canon vs Sony
ចន្លោះមិនឃើញ
ក្រុមការងាររបស់ The Camera Store TV បានធ្វើការប្រៀបធៀបលក្ខណៈទ្រង់ទ្រាយធំមួយ ដោយចង់ដឹងថាកាមេរ៉ាណាមួយអាចថតរូបភាពជា File JPEG ចេញពីកាមេរ៉ាស្រាប់ដោយមិនមានកែកុន។
ក្នុងវីដេអូដែលមានរយៈពេល ២១ នាទី អ្នកបង្ហាញឈ្មោះ Chris Niccolls បានចាប់យករូបភាពក្នុងប្លង់តែមួយដោយកំណត់រូបភាពជាប្រភេទ JPEG ដែលថតដោយប្រើកាមេរ៉ា Canon, Nikon, Sony, Fuji, iPhone, Pentax, Olympus និង Panasonic។ ក្រោយថតរួចគេបានយករូបភាពទាំងនោះទៅផ្ដិតចេញមកដោយគ្មានបញ្ជាក់ថាថតដោយប្រើកាមេរ៉ាអ្វី រួចយកទៅបង្ហាញអ្នកថតរូបជាច្រើនអ្នក ហើយឲ្យពួកគេជ្រើសរើសរូបដែលពេញចិត្ត និង មិនពេញចិត្ត។
ផ្អែកតាមការយល់ឃើញរបស់អ្នកថតរូបទាំងនោះគេរកឃើញថារូបភាពថតដោយប្រើកាមេរ៉ា Nikon មានអ្នកពេញចិត្តច្រើនដោយទទួលបានលេខ ១ ហើយចំណាត់ថ្នាក់លេខ ២ បានទៅលើ Canon។ សម្រាប់ចំណាត់ថ្នាក់បាតតារាងគឺបានទៅលើ iPhone និង Pentax ដែលបានលេខ ៧ ស្ទួន៕
ចង់ដឹងលម្អិតពីការប្រកួតសមត្ថភាពកាមេរ៉ា តាមដានវីដេអូខាងក្រោម៖
ចុចអាន៖ iPhone 8 អាចចេញ ៣ ម៉ូដែលក្នុងឆ្នាំ ២០១៧