គ្រួសារចិនមួយរស់នៅចម្លែកពីគេ អ្នកផ្សេងពិបាកធ្វើដូច

2014-11-05 23:12:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតតែរស់នៅក្នុងជីវភាពសាមញ្ញតែមានសុភមង្គលជាងអ្នកមានប្រាក់ច្រើនទៅទៀត។ គ្រួសារមួយបានជ្រើសរើសការមករស់នៅពីរនាក់ប្ដីប្រពន្ធនៅតំបន់ដាច់ស្រយាលពីគេឯង ក្នុងភូមិZhuangzi ខេត្ត Henan ប្រទេសចិន និងធ្វើការទំនាក់ទំនងជាមួយអ្នកដទៃតាមរយៈផ្លូវរូងក្រោមដី និងទូរសព្ទកញ្ចាស់មួយគ្រឿង។

គ្រួសារកសិករមួយនេះទទួលបានការចាប់អារម្មណ៍លើបណ្ដាញសង្គម បន្ទាប់ពីរូបថតឯកសារក្នុងជីវិតប្រចាំថ្ងៃរបស់ពួកគេត្រូវបានគេផ្សាយនៅលើព័ត៌មាន Tencent។ លោក Li Weicheng មានអាយុ ៦៦ឆ្នាំ និងប្រពន្ធរបស់គាត់អាយុ ៥៨ឆ្នាំបានប្រាប់អ្នកយកព័ត៌មានថា អ្នកទាំងពីរពឹងផ្អែកលើខ្លួនឯង ចិញ្ចឹមឃ្មុំ មាន់ ធ្វើស្រែ ដាំដំណាំ និងប្រមូលផលឱសថបុរាណ។ បុរសចំណាស់រូបនោះបានបន្ថែមទៀតថា ទឹកដែលប្រើប្រចាំថ្ងៃបានមកពីទឹកជ្រោះធ្លាក់ពីលើភ្នំក្រោយផ្ទះ និងពេលធ្វើការមានវិទ្យុមួយសម្រាប់ស្ដាប់ជាការកម្សាន្ត។ អ្នកភូមិបានបញ្ចុះបញ្ចូលឲ្យលោក Li ចាកចេញពីទីនោះតែគាត់បាននិយាយថា គាត់ពិតជារីករាយពេលរស់នៅទីនេះជាមួយជីវភាពសាមញ្ញបែបហ្នឹង។ ដីនៅកន្លែងជិតភូមិនោះឥឡូវមានការអភិវឌ្ឍច្រើនណាស់នៅប៉ុន្មានឆ្នាំចុងក្រោយនេះ ហើយគ្រួសារដាច់សង្វែងមួយនេះត្រូវបានគេឧបត្ថម្ភផងដែរ។

គ្រួសារកសិករនេះបានចំណាយប្រាក់មួយចំនួននៃប្រាក់សន្សំរបស់ពួកគាត់ដែលគេឧបត្ថម្ភនេះមកកសាងបឹងហ្គាឡូទំហំ៥០ម៉ែត្រការ៉េនៅឆ្ងាយពីភូមិ។

នៅពេលមានអាយុ ៥៧ឆ្នាំ លោក Li បានរៀបការជាមួយស្ត្រី ហើយប៉ុន្មានឆ្នាំចុងក្រោយនេះភរិយារបស់លោកទទួលរងជំងឺវង្វេងវង្វាន់។ ទោះជាយ៉ាងណាលោក Li បានជ្រើសរើសមកស្នាក់នៅក្នុងភូមិឆ្ងាយពីគេឯងទើបតែ៧ឆ្នាំប៉ុណ្ណោះ៕