ច័ន្ទ កាន់ ជម្នះពាក្យ "អ្នកសិល្បៈជាអ្នកលក់ខ្លួន"

2016-12-30 00:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងពន្លកថ្មី ច័ន្ទ កាន់ ប្រាប់ថាពេលដែលនាងចាប់ផ្ដើមចូលសិល្បៈត្រូវបានទទួលពាក្យមាក់ងាយពីអ្នកជិតខាងខ្លួនថា "អ្នកសិល្បៈចង់ជោគជ័យទាល់តែលក់ខ្លួន"។ ពាក្យនេះហើយបានធ្វើឲ្យខិតខំក្រោកឈរក្នុងវិស័យសិល្បៈដល់សព្វថ្ងៃ។

ច័ន្ទ កាន់ និយាយថា ពេលដែលនាងឮមួយឃ្លាខាងលើដំបូងនាងយំ ប៉ុន្តែក្រោយមកនាងគិតថា នឹងផ្លាស់ប្ដូរផ្នត់គំនិតរបស់ពួកគេដោយយកសមត្ថភាពផ្ទាល់ខ្លួន និង ការព្យាយាមធ្វើឲ្យបានល្អក្នុងដំណើរលើវិថីសិល្បៈនាង។

តារាសម្ដែងវ័យក្មេងរូបនេះបន្តថា គិតមកដល់ពេលនេះនាងទើបតែចូលសិល្បៈបានជិតមួយឆ្នាំប៉ុណ្ណោះ តែរូបនាងទទួលបាន ការគាំទ្រ និងប្រជាប្រិយភាពគួរសម ដោយធ្លាប់ថតពាណិជ្ជកម្មឲ្យក្រុមហ៊ុនជាច្រើន ហើយថែមទាំងលេចមុខក្នុង MV ជាមួយកំពូលល្បីដូចជា ព្រាប សុវត្ថិ និង ឱក សុគន្ធកញ្ញា ដោយប្រើតែសមត្ថភាពផ្ទាល់ខ្លួនប៉ុណ្ណោះ។

យ៉ាងណាក្ដី តារាស្រីវ័យ២៣ឆ្នាំរូបនេះ នៅតែអរគុណសម្រាប់ការរិះគន់ទាំងឡាយដែលជាកត្តា ធ្វើឲ្យនាងដើរមកដល់ថ្ងៃនេះ។ នាងធ្វើការសំណូមពរ ឲ្យអ្នករិះគន់ងាកមក គាំទ្រសិល្បៈខ្មែរ កុំមើលឃើញតែអ្នកជិតខាងល្អ ហើយមិនគាំទ្រគ្នាឯង។