១គ្រាប់យប់មិញធ្វើឲ្យ Zlatan វ៉ាដាច់ Top Scorer ក្រុម Man Utd រដូវកាលមុន

2017-01-03 06:49:54
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមពាក់កណ្ដាលរដូវកាល២០១៦-១៧ ខ្សែប្រយុទ្ធចាស់វស្សា Zlatan Ibrahimovic បានស៊ុតបញ្ចូលទីច្រើនជាង អ្នកស៊ុតបញ្ចូលទីច្រើនជាងគេបំផុត (Top Scorer) របស់ក្រុមបិសាចក្រហម រដូវកាល២០១៥-១៦ ទៅទៀត ក្រោយស៊ុត West Ham ១គ្រាប់ទៀតយប់មិញ។

Zlatan អបអរ ក្រោយស៊ុតចូលយប់មិញ

ក្រោយផ្ទេរពីក្លឹប Paris Saint-Germain ទៅ Man Utd កាលដើមរដូវកាលនេះ កីឡាករវ័យ៣៥ឆ្នាំ ធ្លាប់ត្រូវបានគេរិះគន់ថា នឹងមិនអាចធ្វើបានល្អទេនៅ Premier League ព្រោះអាយុរបស់គេចាស់ហើយ និងថែមទាំងនៅលីគកំពូលអង់គ្លេសសម្បូរក្រុមខ្លាំងៗផងដែរ។ ប៉ុន្តែ Zlatan បានបង្ហាញឲ្យឃើញថា មនុស្សជាច្រើនបានមើលរូបគេខុសហើយ ពោលគឺត្រឹមតែពាក់កណ្ដាលរដូវកាល រូបគេស៊ុតបាន១៨គ្រាប់គ្រប់ពានរង្វាន់ទាំងអស់ និងលើស Anthony Martial ដែលជា Top Scorer រដូវកាលមុន ធ្លាប់រកគ្រាប់បានសរុប ១៧គ្រាប់។

១គ្រាប់យប់មិញ ក៏ជាគ្រាប់បាល់ទី១៣ របស់ Zlatan នៅ Premier League ដែលធ្វើឲ្យរូបគេកំពុងឈរលេខ២ ក្នុងតារាង Top Scorer បណ្ដោះអាសន្ន ដោយចាញ់ Diego Costa របស់ក្រុម Chelsea តែ១ពិន្ទុប៉ុណ្ណោះ៕

ប្រភព៖ Mirror ប្រែសម្រួល៖ វិន ជីវ័ន្ត