Mahrez បំបាក់ Aubameyang & Mane ឈ្នះពានកីឡាករល្អបំផុត ប្រចាំទ្វីបអាហ្វ្រិក
- 2017-01-06 02:19:29
- ចំនួនមតិ 0 | ចំនួនចែករំលែក 0
Mahrez បំបាក់ Aubameyang & Mane ឈ្នះពានកីឡាករល្អបំផុត ប្រចាំទ្វីបអាហ្វ្រិក
ចន្លោះមិនឃើញ
ខ្សែបម្រើឆ្នើម Riyad Mahrez របស់ក្លឹប Leicester City បានឈ្នះពានកីឡាករល្អបំផុតប្រចាំទ្វីបអាហ្វ្រិកឆ្នាំ២០១៦ (African Player of the Year 2016 ) បន្ទាប់ពីឈ្នះឆ្នោតលើខ្សែប្រយុទ្ធ Pierre-Emerick Aubameyang របស់ក្លឹប Borussia Dortmund និងខ្សែបម្រើល្បឿនលឿន Sadio Mane របស់ក្លឹបហង្សក្រហម Liverpool។
ក្នុងចំណោមបេក្ខភាព៣នាក់ចុងក្រោយ តារាជើងញាក់របស់ក្រុមកញ្ជ្រោងខៀវ Leicester ទទួលបានសំឡេងឆ្នោតច្រើនជាងគេ ៣៦១សំឡេង, ម្ចាស់ពានកាលឆ្នាំ២០១៥ Aubameyang ទទួលបាន ៣១៣សំឡេង និង Mane របស់ហង្សក្រហម បានចំណាត់ថ្នាក់លេខ៣ បាន១៨៦សំឡេង។
Mahrez បានបង្ហាញទម្រង់លេងដ៏អស្ចារ្យបំផុតរដូវកាលមុន ដោយស៊ុតបាន១៧គ្រាប់ និង Assists ១១ ក្នុងលីគ ជួយឲ្យ Leicester លើកពាន Premier League ជាលើកដំបូងក្នុងប្រវត្តិសាស្ត្រ។ សម្រាប់រដូវកាលថ្មី២០១៦-១៧ នេះ កីឡាករជម្រើសជាតិអាល់ហ្សេរីរូបនេះ ទើបស៊ុតបាន ៣គ្រាប់ និង Assists ២ដងទេក្នុងលីគ ប៉ុន្តែនៅ UEFA Champions League រូបគេធ្វើបានល្អមែនទែន ដោយគិតត្រឹមវគ្គចែកពូល អាចស៊ុតបាន ៤គ្រាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
