ស៊ិន ឧត្តមផល្លា ផ្អាកសិល្បៈជិត ២០ឆ្នាំ ឥឡូវប្រកាសចូលវិញ
- 2017-01-09 04:03:38
- ចំនួនមតិ 0 | ចំនួនចែករំលែក 0
ស៊ិន ឧត្តមផល្លា ផ្អាកសិល្បៈជិត ២០ឆ្នាំ ឥឡូវប្រកាសចូលវិញ
ចន្លោះមិនឃើញ
អតីតតារាចម្រៀង ស៊ិន ឧត្តមផល្លាដែលបានផ្អាកសិល្បៈខ្ទង់២០ឆ្នាំហើយ បានប្រកាសខ្លួនថា នឹងចូលសិល្បៈវិញ។
សាមីខ្លួនបានបញ្ចេញព័ត៌មានខាងលើកាលពីពេលថ្មីៗ ក្នុងបណ្តាញសង្គមថា ការវិលចូលសិល្បៈវិញមកពីការស្រលាញ់ និងមិនដាច់ចិត្តនឹងអាជីពដែលធ្វើឲ្យមហាជនស្គាល់ខ្លួនកន្លងមក គួបផ្សំបច្ចុប្បន្នមានពេលវេលាច្រើនក្នុងការធ្វើកិច្ចការនេះ។
អតីតតារាចម្រៀងស្រីដដែលបានប្រកាសលើ Facebook ផ្ទាល់ខ្លួនថា ចាប់ពីពេលនេះ អ្នកនាងស្វាគមន៍ទទួលការសម្ដែង និង ច្រៀងតាមកម្មវិធីផ្សេងៗដូចជាមង្គលការជប់លៀង ជាដើម ប៉ុន្តែមិនច្រៀងតាមក្លឹបរាត្រីឡើយ។
ជាមួយនឹងការវិលចូលសិល្បៈវិញនេះ អ្នកនាង ស៊ិន ឧត្តមផល្លា មិនរំពឹងថា នឹងអាចដណ្ដើមបានប្រជាប្រិយភាពដូចកាលខ្លួនល្បីអំឡុង២០ឆ្នាំមុនឡើយ ប៉ុន្តែអ្នកស្រីស្នើឲ្យទស្សនិកជនគាំទ្រ និងលើកទឹកចិត្តផង។
មុនប្រកាសចូលសិល្បៈវិញនាពេលនេះ ស៊ិន ឧត្តមផល្លា គឺជាតារាចម្រៀងល្បីឈ្មោះម្នាក់អំឡុងឆ្នាំ ២០០០-២០០៣ មុនពេលអ្នកនាងរៀបអាពាហ៍ជាមួយតារាសម្ដែងម្នាក់ យុទ្ធស័ក្ដិ នៅឆ្នាំ ២០០៥។ ក្រោយមក អ្នកនាងបានផ្អាកមកធ្វើជំនួញវិញ ដោយបើកកន្លែងលក់ស្បង់ចីវរ វិញ។
អ្នកនាងបញ្ជាក់ក្នុងសារថា ដោយសារជំនួញដើរស្រួល ហើយមានពេលច្រើនផង ផ្សំនឹងចិត្តនៅស្រឡាញ់សិល្បៈផង ទើបសម្រេចចូលវិញនៅពេលនេះ៕