Zidane មិនចាប់អារម្មណ៍ Aubameyang ទេ
- 2017-01-12 06:13:55
- ចំនួនមតិ 0 | ចំនួនចែករំលែក 0
Zidane មិនចាប់អារម្មណ៍ Aubameyang ទេ
ចន្លោះមិនឃើញ
បើទោះជា Real Madrid ត្រូវផុតពីបម្រាមរឿងទិញលក់កីឡាករពេលទីផ្សារបើករដូវក្ដៅខាងមុខក៏ដោយ ក៏លោក Zinedine Zidane នឹងមិនចុះហត្ថលេខាយក Pierre-Emerick Aubameyang ដែរ។
បើយោងតាមសំណេរលើសារព័ត៌មានដ៏ធំរបស់អាល្លឺម៉ង់ Bild បានអះអាងថា ខ្សែប្រយុទ្ធឆ្នើមដែលកំពុងជាប់ភារកិច្ចជាមួយជម្រើសជាតិហ្គាបុងនៅ Africa Cup មិនមែនជាគោលដៅរបស់ Zidane ទេ។
មូលហេតុចម្បងនៅពីក្រោយរឿងនេះត្រូវ Bild បកស្រាយថាដោយសារ Aubameyang មិនស្ថិតនៅក្នុងផែនការរបស់អ្នកចាត់ការសញ្ជាតិបារាំងព្រោះបច្ចុប្បន្នលោក Zidane កំពុងរីករាយជាមួយការលេង Karim Benzema និង Alvaro Morata ដូច្នេះការចំណាយលុយកប់ក្ដោងដើម្បីនាំអ្នកថ្មីមកជំនួសពួកគេទាំង២មិនមែនជារឿងអាចកើតមានឡើយ។
Aubameyang គឺជាអ្នកស៊ុតបញ្ចូលទីច្រើនជាងគេនៅ Bundesliga ហើយមានពាក្យចចាមអារ៉ាមពីការផ្ទេរទៅកាន់ទឹកដី Bernabeu កាលពីមួយរយៈមុន។ កីឡាករវ័យ២៧ឆ្នាំធ្លាប់ត្រូវក្លឹបនៅចិនហ៊ានទិញទៅលេងក្នុងតម្លៃ១៥០លានអឺរ៉ូកាលពីដើម ២០១៧៕