មិនស្មាន ដួង វីរៈសិទ្ធ មានអ្នកច្នៃម៉ូដពិសេសបែបហ្នឹងសោះ
- 2017-01-16 08:04:44
- ចំនួនមតិ 0 | ចំនួនចែករំលែក 0
មិនស្មាន ដួង វីរៈសិទ្ធ មានអ្នកច្នៃម៉ូដពិសេសបែបហ្នឹងសោះ
ចន្លោះមិនឃើញ
ដួង វីរៈសិទ្ធ បានប្រាប់ Sabay ថា មុនពេលឡើងឆាកម្តងៗ មិនថានៅតាមខេត្ត និងនៅរាជធានីភ្នំពេញនោះទេ រាល់ការស្លៀកពាក់ទៅចូលរួមកម្មវិធីប្រគំតន្រ្តីនានា លោកមិនដែលចំណាយ ពេលវេលា ឬថវិកាច្រើនគិតគូរទៅលើការស្លៀកពាក់នោះទេព្រោះមានអ្នកច្នៃម៉ូដផ្ទាល់ខ្លួន និងមានអ្នកម្តាយចាំជួយកែតម្រូវ។
ម្ចាស់បទ"ទឹកភ្នែកព្រាននារី" បន្តថា ជាងច្នៃម៉ូដសំលៀកបំពាក់ឲ្យលោកយកថ្លៃឈ្នួលដែរ តែយកតិចតួចប៉ុណ្ណោះព្រោះ ជាអ្នកស្គាល់គ្នា ម្យ៉ាងទៀតលោកត្រៀមសហការគ្នាជាមួយ ជាងច្នៃម៉ូដឲ្យលោកក្នុងពេលឆាប់ៗនេះផងដែរ។
អតីតបេក្ខជនលេខ១ ក្នុងកម្មវិធី I am a Singer Cambodia ថ្លែងថា៖ “បាទបងនៅពេលឡើងឆាកម្តងៗ ខ្ញុំតែងតែពិភាក្សាជាមួយម៉ាក់ខ្ញុំ និងអ្នកច្នៃម៉ូដរបស់ខ្ញុំ ថាតើយើងគួរជ្រើសរើស និងច្នៃម៉ូដសម្លៀកបំពាក់បែបណាដើម្បីឲ្យសក្ដិសម ទៅនឹងកម្មវិធីហ្នឹង ម្យ៉ាងមើលទៅកាន់មានភាពលេចធ្លោរាល់កម្មវិធី"។
តារាចម្រៀងរូបនេះបញ្ជាក់ទៀតថា ចំពោះការច្នៃម៉ូដសំលៀកបំពាក់នេះគឺលោក បានមើលមនុស្សមួយចំនួននៅជុំវិញខ្លួន ទស្សនាខ្សែភាពយន្តទាំងក្នុងស្រុក ក្រៅស្រុកជាពិសេសនោះ ការស្រាវជ្រាវនៅតាមវេបសាយតារាបរទេសមួយចំនួន ទាំងនៅអ៊ឺរ៉ុប និងអាស៊ី តែមិនចំលងម៉ូដទេ គឺលោកយកមកកែច្នៃឲ្យចេញជាម៉ូដថ្មីមួយប្លែក ម្យ៉ាងទៀតចំណាយថវិកាអស់តិច៕
ចុចអាន៖ ដួង វីរៈសិទ្ធ