ច្បាស់ការណ៍ហើយ! Rain ចេញមុខខ្លួនឯង បញ្ជាក់រឿងរៀបការជាមួយមិត្តស្រី Kim Tae Hee

2017-01-17 07:28:58
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីសារព័ត៌មានចុះផ្សាយព្រោងព្រាតពីមង្គលការ បន្ទាប់មកក៏មានការបដិសេធពីផលិតកម្ម ពេលតារាចម្រៀង Rain បានចេញមកបញ្ជាក់ឲ្យកាន់តែច្បាស់ថា គេនឹងរៀបការជាមួយមិត្តស្រីយូរឆ្នាំ Kim Tae Hee។

កាលពីថ្ងៃមិញ សារព័ត៌មានជាច្រើននៅប្រទេសកូរ៉េបានចេញផ្សាយព័ត៌មានទាន់ហេតុការណ៍ការប្រកាសថ្ងៃរៀបការរបស់ Rain និង Kim Tae Hee។ តែយ៉ាងណា ភ្លាមៗផលិតកម្មរបស់តារាទាំងពីរ បានចេញមកច្រានចោលព័ត៌មាននេះទាំងស្រុង។ ជាហេតុធ្វើឲ្យអ្នកគាំទ្រវិលមុខដោយសារព័ត៌មានអ្នកទាំង២។

យ៉ាងណាមិញ ដើម្បីបញ្ចប់មន្ទិលសង្ស័យសាមីខ្លួន Rain បានសរសេរសំបុត្រដោយដៃមួយសន្លឹកបង្ហោះលើបណ្ដាញសង្គមកាលពីថ្ងៃមិញប្រកាសថា គេនឹងរៀបការជាមួយ Kim Tae Hee ប៉ុន្តែមិនទាន់ប្រកាសថ្ងៃទេ។

សម្រង់ខ្លីពីអ្វីដែលបានសរសេរក្នុងសំបុត្រ Rain បាននិយាយថា ៖ "Kim Tae He តែងតែនៅជាមួយខ្ញុំ អំឡុងពេលខ្ញុំពិបាក និងសប្បាយចិត្ត ហើយបានជួយខ្ញុំឲ្យអភិវឌ្ឍន៍កាន់តែខ្ពស់ទៅៗ។ ភាពជឿជាក់ និងក្ដីស្រឡាញ់បានកើនទៅរកចំណុចមួយ ដែលចុងក្រោយចេញជាផ្លែផ្កា។ មង្គលការនឹងកើតឡើងជាឯកជន និងស្ងប់ស្ងាត់។ ខ្ញុំសង្ឃឹមថាអ្នកទាំងអស់គ្នានឹងយល់ ហើយ ខ្ញុំមិនអាចនិយាយអំពីទីកន្លែង និងពេលវេលាដែលពួកយើងរៀបការនៅពេលនេះបានទេ"៕

ប្រភព៖ Allkpop ប្រែសម្រួល៖ ហេង សុធារិទ្ធិ