Zidane និយាយអ្វីខ្លះ បន្ទាប់ពី Real Madrid ចាញ់២ប្រកួតជាប់ៗគ្នា?

2017-01-19 02:06:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមស្តេចស Real Madrid បានស្គាល់ពាក្យថា «ចាញ់» ២ប្រកួតជាប់ៗគ្នា បន្ទាប់ពីចាញ់ Sevilla ២-១ ថ្ងៃអាទិត្យ បញ្ចប់កំណត់ត្រាមិនដែលចាញ់៤០ប្រកួត និងចាញ់ Celta Vigo ២-១ ក្នុងការប្រកួត Copa del Rey វគ្គ៨ក្រុម ជើងទី១ នៅកីឡដ្ឋាន Santiago Bernabeu យប់មិញទៀត។

អ្នកចាត់ការ Zidane របស់ក្រុម Real Madrid

Zidane បានបង្ហាញអារម្មណ៍ខកចិត្តខ្លាំងចំពោះទម្រង់លេងយប់មិញ ដែលធ្វើឲ្យ Real Madrid ចាញ់២ប្រកួតជាប់គ្នាជាលើកដំបូង ក្រោមការដឹកនាំរបស់លោក។ អ្នកចាត់ការសញ្ជាតិបារាំង បាននិយាយថា៖ "ខ្ញុំមិនដឹងថា មានអ្វីកើតឡើងទេ ប៉ុន្តែយើងមិនបានផ្ដោតអារម្មណ៍គ្រប់គ្រាន់ទៀតហើយ។ វាជារឿងអាក្រក់ ប៉ុន្តែយើងត្រូវតែកែប្រែ។ យើងនៅមានជើងទី២ ប៉ុន្តែថ្ងៃនេះយើងលេងអន់ណាស់”។

Cristiano Ronaldo បង្ហាញកាយវិការខកចិត្តខ្លាំងយប់មិញ

“ខ្ញុំមិនបារម្ភទេ។ វាមិនមែនជារឿងល្អសម្រាប់យើង ដែលចាញ់២ប្រកួតជាប់គ្នា ប៉ុន្តែយើងនឹងកែប្រែ។ ចាញ់ ២-១ ជាលទ្ធផលដែលយើងមិនពេញចិត្ត ប៉ុន្តែយើងនៅមានជើងទី២ យើងនឹងទៅទីនោះ ហើយផ្លាស់ប្ដូរលទ្ធផលទាំងអស់គ្នា”។ អ្នកចាត់ការវ័យ ៤៤ឆ្នាំ បញ្ជាក់បន្ថែម។

Real នឹងត្រូវធ្វើដំណើរទៅកីឡដ្ឋាន Balaidos ប៉ះក្រុម Celta Vigo ក្នុងការប្រកួត Copa del Rey វគ្គ៨ក្រុម ជើងទី២ នៅថ្ងៃពុធសប្ដាហ៍ក្រោយ៕