លឹបលជាង១ឆ្នាំ ម៉ៅ ហាជី រកបានទ្រនំច្បាស់ការហើយ
- 2017-01-20 02:40:49
- ចំនួនមតិ 0 | ចំនួនចែករំលែក 0
លឹបលជាង១ឆ្នាំ ម៉ៅ ហាជី រកបានទ្រនំច្បាស់ការហើយ
ចន្លោះមិនឃើញ
អតីតTop3 ក្នុងកម្មវិធី Cambodian Idol រដូវកាលទី១ ម៉ៅ ហាជី ក្រោយពីលឹបលជាង១ឆ្នាំ និងតែងតែបដិសេធព័ត៌មានជាហូរហែ ថាលោកចូលក្នុងផលិតកម្មថោននោះ ពេលនេះលោកបញ្ជាក់ច្បាស់ការហើយថា ឆ្នាំថ្មី២០១៧ លោកពិតជាជ្រកនៅផលិតកម្មថោនមែន តែមិនមានចុះកុងត្រាទេ ។
ជាមួយគ្នានេះតារាប្រុសមកពីខេត្តបាត់ដំបងរូបនេះបានឲ្យដឹងថា ក្រោយពីរសាត់អណ្តែតមិនមានសេរីភាពផ្លូវចិត្តលើវិថីសិល្បៈជាង១ឆ្នាំមកនេះ រហូតដល់ថ្នាក់ចង់ចាកចេញពីសិល្បៈ នោះ ប៉ុន្តែពេលនេះសម្រាប់ឆ្នាំ២០១៧ លោកមានអារម្មណ៍ថាស្រស់ស្រាយ សប្បាយចិត្ត ដោយសារមិនមានសម្ពាធផ្លូវចិត្តដូចមុន ហើយលោកក៏អាចរកបានផលិតកម្មសម្រាប់ជ្រកហ្នឹងគេ។
សម្រាប់ដើមឆ្នាំ២០១៧ ស្ថិតក្នុងផលិតកម្មថោន ម៉ៅ ហាជី ប្រាប់ថាមានចម្រៀង១០បទសម្រាប់បំពេរអារម្មណ៍បងប្អូន។" បទទាំង១០របស់ខ្ញុំជិតចេញលក់ហើយ ដែលបទទាំងនោះជាបទស្នាដៃនិពន្ធថ្មីសុទ្ធសាធ"។ ហាជី បន្ថែម៕