អាមេរិក ហាមឃាត់ជនភៀសខ្លួន៧ប្រទេស តែ កាណាដា ទទួលយកដៃ២
- 2017-01-30 00:51:03
- ចំនួនមតិ 0 | ចំនួនចែករំលែក 0
អាមេរិក ហាមឃាត់ជនភៀសខ្លួន៧ប្រទេស តែ កាណាដា ទទួលយកដៃ២
ចន្លោះមិនឃើញ
នាយករដ្ឋមន្ត្រីកាណាដា លោក Justin Trudeau បានក្រោកឈរប្រឆាំងនឹងច្បាប់របស់សហរដ្ឋអាមេរិក នៃការហាមឃាត់លើជនភៀសខ្លួន និងអន្តោប្រវេសន៍ មកពីប្រទេសម៉ូស្លីម ចំនួន៧។
លោក Trudeau បានបង្ហោះសារ នៅលើបណ្ដាញសង្គម Twitter ដើម្បីស្វាគមន៍ជនភៀសខ្លួន និង អន្តោប្រវេសន៍ទាំងនោះ ហើយបានគូសបញ្ជាក់ការប្ដេជ្ញាចិត្តរបស់រដ្ឋាភិបាលកាណាដា ក្នុងការនាំយកពួកគេចូលប្រទេសទៀតផង។
ក្រសួង US Department of Homeland Security របស់សហរដ្ឋអាមេរិក បានឲ្យដឹងថា ការហាមឃាត់នេះ នឹងអនុវត្តទាំងលើអ្នកដែលមានសញ្ជាតិ២ នៃប្រទេសទាំង៧នោះ។ ទោះជាយ៉ាងណា មន្ត្រីកាណាដា បានឲ្យដឹងថា ជនជាតិកាណាដា ដែលមានសញ្ជាតិ២ (កាត់ម៉ូស្លីម) នឹងត្រូវលើកលែង។
គួររំលឹកផងដែរថា កាលពីថ្ងៃសុក្រ កន្លងទៅនេះ ប្រធានាធិបតីអាមេរិកថ្មី លោក ដូណាល់ ត្រាំ បានចុះហត្ថលេខាលើប្រតិបត្តិបញ្ជា ក្នុងការពន្យារដំណើរការទិដ្ឋាការ នៃប្រទេសចំនួន៧ រួមមានដូចជា អ៊ីរ៉ាក់ អ៊ីរ៉ង់ ស៊ីរី លីប៊ី យេមែន ស៊ូដង់ និង សូម៉ាលី ផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
