ត្រឹមដើមខែកុម្ភៈភាពយន្តខ្មែរ សម្ពោធ និងក្រុងពាលី ហូរហែ
- 2017-02-09 23:15:00
- ចំនួនមតិ 0 | ចំនួនចែករំលែក 0
ត្រឹមដើមខែកុម្ភៈភាពយន្តខ្មែរ សម្ពោធ និងក្រុងពាលី ហូរហែ
ចន្លោះមិនឃើញ
ភាពយន្តខ្មែរកាន់តែទទួលបានការគាំទ្រខ្លាំងពីទស្សនិកជន ទាំងខ្សែភាពយន្តភាគ និងខ្សែភាពយន្តខ្នាតធំ។ ជាក់ស្ដែងនៅដើមខែកុម្ភៈ នេះផលិតករជាច្រើនបានសម្រុកក្រុងពាលីរឿងចេញថត និងសម្ពោធដាក់បញ្ចាំងនៅតាមរោងកុន និងតាមកញ្ចក់ទូរទស្សន៍។
រឿងភាគ និងរឿងខ្នាតធំដែលក្រុងពាលី និងសម្ពោធនៅដើមខែ កុម្ភៈ នេះមាន៤រឿងរួមមាន៖
១/ រឿង "កំលោះទាំង៣" ជាខ្សែភាពយន្តភាគដែលមាន៣០ភាគផលិតឡើងដោយទូរទស្សន៍ អាស៊ីអាគ្នេយ៍ បានធ្វើការក្រុងពាលីកាលពី ថ្ងៃទី៣ ខែ កុម្ភៈ ឆ្នាំ២០១៧ នេះ។ ជាប្រភេទរឿងស្នេហានិយាយអំពីកំលោះក្រីក្រទាំង៣ រូប។
២/ ផលិតកម្មមហាហង្សបានធ្វើពិធីក្រុងពាលីថតរឿងថ្មីកាលពីថ្ងៃទី៩ ខែ កុម្ភៈ ឆ្នាំ២០១៦ ក្នុងខ្សែភាពយន្តខ្នាតធំរឿង "ក្រមុំចាស់ប៉ះកំលោះស្ទាវ" ជាប្រភេទរឿងបែបមនោសញ្ចេតនាស្នេហាឌឺដង កាច់កុងលាយឡំននឹងឈុតឆាកកំប្លែង។
៣/ រឿង "ពូជខ្ញុំអ៊ីចឹងវគ្គ២" របស់ផលិតកម្ម Rock បានធ្វើការសម្ពោធកាលពីថ្ងៃទី៦ ខែ កុម្ភៈ ឆ្នាំ២០១៧ នឹងដាក់បញ្ចាំងនៅតាមរោងភាពយន្ត ទំនើបៗក្នុងរាជធានីភ្នំពេញនៅថ្ងៃទី៩ ខែ កុម្ភៈនេះហើយ។
៤/ ខ្សែភាពយន្តភាគរឿង "មេឃុំក្រមុំ" នឹងធ្វើការសម្ពោធឲ្យដាក់បញ្ចាំងនៅទូរទស្សន៍ប៉ុស្តិ៍លេខ៥នៅថ្ងៃនេះ១០ ខែ កុម្ភៈ ឆ្នាំ២០១៧ រឿងនេះមាន២៥ ភាគ៕