គ្រូណាហ្គាវើល លើកឡើងពីចំណុចខ្លាំងរបស់ក្រុមអគ្គិសនីមុនប៉ះគ្នា

2017-02-18 04:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្វឹកក្រុមបាល់ទាត់ ណាហ្គាវើល មើលឃើញចំណុចខ្លាំងពីររបស់ក្រុមចំណូលថ្មី អគ្គិសនីកម្ពុជា ថាក្រុមនេះតំបន់ប្រយុទ្ធល្អ និងមានគ្រូដឹកនាំកម្រិត A License អញ្ចឹងការរៀបចំកីឡាករនិងយុទ្ធសាស្ត្រប្រកួតគឺល្អ។ ក្រុមបាល់ទាត់ ណាហ្គាវើល នឹងត្រូវប្រកួតជាមួយក្រុមអគ្គិសនី នៅល្ងាចនេះ វេលាម៉ោង ៦ល្ងាចនៅកីឡដ្ឋានស្វាយរៀង។

លោកគ្រូ មាស ចាន់ណា

លោក មាស ចាន់ណា គ្រូបង្គោលរបស់ក្រុមបាល់ទាត់ ណាហ្គាវើល បានឲ្យដឹងថា បើទោះជាក្រុមបាល់ទាត់អគ្គិសនី ជាក្រុមចំណូលថ្មីមែន ប៉ុន្តែក្រុមនេះល្អ។ បើមើលការប្រកួតរបស់ក្រុមនេះកន្លងមក គ្រូណាហ្គា រូបនេះសង្កេតឃើញថានៅតំបន់ប្រយុទ្ធគេសហការគ្នាធ្វើបានល្អណាស់ រាល់ការប្រកួតរបស់គេតែងមានគ្រាប់បាល់។ ចំណុចខ្លាំងមួយទៀតនោះគឺក្រុមនេះមានគ្រូដឹកនាំកម្រិត A License ដូចលោកដែរ រាល់ការរៀបចំដាក់កីឡាករឲ្យចូលលេងឬយុទ្ធសាស្ត្រក៏ដូចជាការផ្លាស់ប្ដូរទម្រង់លេងមានល្អនិងមានបទពិសោធន៍ច្រើន។

ក្រុមបាល់ទាត់ ណាហ្គាវើល

គ្រូណាហ្គា រូបនេះបន្ថែមទៀតថា ទោះជាក្រុមចំណូលថ្មីនេះល្អយ៉ាងណាក៏ដោយ លោកនៅតែជឿជាក់លើកីឡាកររបស់លោក ថានឹងយកជ័យជម្នះបានលើក្រុមមួយនេះ។ ចំពោះរឿងគ្រាប់ស៊ុតបញ្ចូលទីវិញថាបានប៉ុន្មានគ្រាប់នោះ វាមិនសំខាន់សម្រាប់លោកទេ ឈ្នះបាន៣ពិន្ទុទើបជារឿងធំ៕

អត្ថបទ៖ នួន ស៊ីណា