ក្មេងស្រីចូលរួមច្រើនការប្រកួតកីឡាបឋមសិក្សាខេត្តក្រចេះចាប់ផ្តើមព្រឹកមិញ

2017-02-23 07:08:26
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ទីរអប់រំ យុវជន និងកីឡាប្រចាំខេត្តក្រចេះបានបើកការប្រកួតកីឡាសិស្សបឋមសិក្សាប្រចាំឆ្នាំសិក្សា២០១៦-២០១៧ដែលមាន៧ប្រភេទកីឡាចាប់ពីថ្ងៃទី២៣ដល់២៨ ខែកុម្ភៈ ឆ្នាំ២០១៧នេះនៅកីឡដ្ឋានខេត្ត។

លោក ភួន សុផាត

តាមការឲ្យដឹងពីលោក ភួន សុផាត ប្រធានការិយាល័យកីឡានៃមន្ទីរអប់រំ យុវជន និងកីឡាខេត្តក្រចេះបានឲ្យដឹងថា ការប្រកួតនេះចាប់ផ្តើមពីថ្ងៃទី ២៣ដល់ទី២៨ ខែកុម្ភៈ ឆ្នាំ២០១៧ ដែលមានសិស្សមកពីសាលាបឋមសិក្សាស្រុក-ក្រុងទាំង៦រួមមាន ស្រុកស្នួល ស្រុកចិត្របុរី ស្រុកឆ្លូង ស្រុកព្រែកប្រសព្វ ស្រុកសំបូរ និងក្រុងក្រចេះ។ ឆ្នាំនេះមានកីឡាករ-កីឡាការិនីចូលរួមចំយន៥៧៦នាក់។ បើគិតតាមស្រុក-ក្រុងនីមួយៗមានកីឡាករជាក្មេងប្រុសចំនួន៩៦នាក់ ខណៈកីឡាការិនីជាក្មេងស្រីក៏មានចំនួនស្មើនឹងក្មេងប្រុសដែលពោលគឺ ក្មេងស្រីចូលរួម៥០%។ ឆ្នាំនេះមាន៧ប្រភេទកីឡាគឺ បាល់ទាត់ បាល់បោះ បាល់ទះ អត្តពលកម្ម លោតកម្ពស់ ចោលដុំដែក និងដើរចម្ងាយ៕

លទ្ធផល Sabay នឹងផ្សាយជូនបន្តបន្ទាប់ទៀត។