Tiger Street Football Festival 2017 ខេត្តសៀមរាបក្រុមចូលរួមកើនលើសការរំពឹងទុក
- 2017-02-23 09:20:33
- ចំនួនមតិ 0 | ចំនួនចែករំលែក 0
Tiger Street Football Festival 2017 ខេត្តសៀមរាបក្រុមចូលរួមកើនលើសការរំពឹងទុក
ចន្លោះមិនឃើញ
ការប្រកួតបាល់ទាត់ Tiger Street Football Festival 2017 ប្រចាំមណ្ឌលខេត្តសៀមរាបបានចាប់គូកាលពីរសៀលថ្ងៃនេះនៅសណ្ឋាគារសុខាខេត្តសៀមរាប ដោយមានក្រុមចូលរួមកើនឡើងរហូតដល់១០៨ក្រុម ដែលជាចំនួនលើសការរំពឹងទុក។
ក្នុងសន្និសីទកាសែតមុននេះបន្តិចលោក ប៉ិច នី អ្នកតំណាងរបស់ក្រុមហ៊ុនស្រាបៀរ Tiger បានឲ្យដឹងថា ក្រុមចូលរួមច្រើននេះជាជោគជ័យមួយសម្រាប់ក្រុមហ៊ុន។ តាមការកំណត់ខេត្តសៀមរាបអនុញ្ញាតឲ្យមានក្រុមចូលរួមចំនួន៩០ក្រុម ប៉ុន្តែដោយសារមានការគាំទ្រកាន់តែច្រើនពីសំណាក់មហាជន ពិសេសយុវជនទើបធ្វើឲ្យក្រុមមានការកើនឡើងដូចនេះ។
លោកបន្ថែមថា ក្រុមចូលរួមត្រូវប្រកាន់គោលការណ៍ Fair Play និងបញ្ចេញឲ្យអស់សមត្ថភាព ព្រមទាំងចេះអធ្យាស្រ័យគ្នាទៅវិញទៅមក។ ជាងនេះទៅទៀតត្រូវប្រកួតដោយមិត្តភាព និងគោរពលក្ខន្តិកៈរបស់អាជ្ញាកណ្ដាល។
សម្រាប់ការប្រកួតជម្រុះព្រឹកថ្ងៃស្អែកគឺចាប់ផ្ដើមម៉ោង៨:០០នាទី នៅអង្គរឃ្យូងយូដោយមានក្រុមប្រកួតចំនួន៤៤គូ។ ការប្រកួតមួយគូមាន១២នាទី បែងចែកជាពីរវគ្គមួយវគ្គមាន៦ នាទីនិងពេលវេលាសម្រាកក្រោយចប់វគ្គទី១មានចំនួន២នាទី។
ចំពោះប្រាក់រង្វាន់មណ្ឌលសៀមរាប អ្នកលេខ ១ ទទួលបាន ១៥០០ ដុល្លារ លេខ ២ ទទួលបាន ១០០០ ដុល្លារ លេខ៣ ទទួលបាន ៥០០ ដុល្លារ និងលេខ ៤ ទទួលបាន ២០០ ដុល្លារ។ មណ្ឌលសៀមរាបនេះ នឹងជ្រើសយកចំនួន១០ក្រុមដែលខ្លាំងបំផុតទៅធ្វើការប្រកួតដំណាក់កាលផ្ដាច់ព្រ័ត្រនៅភ្នំពេញ៕