មិនយកចិត្តទុកដាក់សំអាតសំណល់ជាប់ធ្មេញ ប្រឈមនឹងជំងឺច្រើននឹកស្មានមិនដល់
- 2017-03-21 23:59:00
- ចំនួនមតិ 0 | ចំនួនចែករំលែក 0
មិនយកចិត្តទុកដាក់សំអាតសំណល់ជាប់ធ្មេញ ប្រឈមនឹងជំងឺច្រើននឹកស្មានមិនដល់
ចន្លោះមិនឃើញ
អាហារសេសសល់នៅជាប់ធ្មេញ (សំអេក) គឺជាជម្រកនៃមេរោគ ហើយអាចបង្កឲ្យមានជំងឺមាត់ធ្មេញជាច្រើន មិននឹកស្មានដល់នេះបើតាម ការណែនាំរបស់ សមាគមទន្តពេទ្យកម្ពុជា ដើម្បីមាត់ធ្មេញ មានសុខភាពល្អ។
មេរោគដែលនៅក្នុងសំអេក អាចបំលែងខ្លួន (អាហារសេសសល់ជាប់ធ្មេញ) ពិសេសអាហារមានជាតិផ្អែម ក្លាយទៅជាអាស៊ីត ងាយឲ្យកាចាធ្មេញពុកផុយ (ស្រទាប់ផ្នែកខាងក្រៅ) និងបង្កើតជាជំងឺពុកធ្មេញ (ប្រហោងធ្មេញ) បាន។
ក្រៅតែពីជំងឺពុកធ្មេញ វាអាចបង្កឲ្យផ្ទាំងកំបោរធ្មេញ ដែលជាកាកសំណល់រឹងជាប់លើធ្មេញ មិនអាចសម្អាតបាន ដោយមានតែគ្រូពេទ្យជំនាញប៉ុណ្ណោះទើបអាចសម្អាតផ្ទាំងកំបោរធ្មេញនោះបាន។
អ្វីដែលមិននឹកស្មាននោះ គឺវាអាចបង្កទៅជា ជំងឺរលាកអញ្ចាញធ្មេញ ចេញឈាមតាមជើងធ្មេញ មាត់មានក្លិនមិនល្អ ជំងឺរលាកជាលិកាទ្រនាប់ធ្មេញ និងបាក់ធ្មេញទៀតផង។
យ៉ាងណាមិញ សមាគមទន្តពេទ្យកម្ពុជា ក៏បានបង្ហាញថា ការដុសសម្អាតធ្មេញជាប្រចាំអាចកម្ចាត់សំអេក និងការពារពីជំងឺខាងលើបាន។
ទម្លាប់ប្រចាំថ្ងៃ ដែលអាចសម្អាតធ្មេញឲ្យរឹងមាំ និងមានសុខភាពល្អ គឺត្រូវ៖
ដុសសម្អាតធ្មេញ បន្ទាប់ពីញ៉ាំអាហារពេលព្រឹក និងមុនពេលចូលគេងដើម្បីកម្ចាត់កាកសំណល់ជាប់ធ្មេញ
កុំញ៉ាំអាហារដែលមានជាតិផ្អែម និងស្អិតញឹកញាប់ពេក
ញ៉ាំអាហារដែលមានប្រយោជន៍ ដូចជា បន្លែ និងផ្លែឈើស្រស់
ជួបជាមួយគ្រូពេទ្យធ្មេញ រយៈពេល ៦ខែ ម្តង
ប្រើថ្នាំដុសធ្មេញដែលមានជាតិភ្លុយអរ (ជាតិភ្លុយអរ ជួយឲ្យកាចាធ្មេញរឹងមាំ និងជួយទប់ទល់នឹងជាតិអាស៊ីត) ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
