ទីក្រុងចិនហាមឃាត់ប្រពៃណីដុតលុយខ្មោចមានជាង ៣ ០០០ឆ្នាំហើយ ក្រោមហេតុផលមួយ

2017-03-24 02:34:49
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅទីបំផុតទៅ ទីក្រុងមួយនៅចិន បានសម្រេចដាក់បម្រាមប្រឆាំងនឹងប្រពៃណីចិនដ៏ធំមួយ ដែលបានអនុវត្តរយៈពេលជាង ៣ ០០០ឆ្នាំមកហើយ។

កាលពីដើមសប្ដាហ៍មុន ជំនឿប្រពៃណីដុតលុយខ្មោចសម្រាប់សែនឲ្យអារុក្ខអារក្ខ អ្នកតា ឬសាច់ញាតិស្លាប់ ត្រូវបានគេចាត់ទុកជារឿងខុសច្បាប់នៅទីក្រុង Harbin ភាគឦសានប្រទេស។ នៅថ្ងៃទី ១៤មិនា អាជ្ញាធរបានប្រកាសដាក់បម្រាមទាំងស្រុងលើក្រដាសសែននានា។

ចំពោះអ្នកផលិត លក់ ឬដុតក្រដាសសែនក្នុងទីក្រុងទាំងមូល នឹងត្រូវពិន័យ ពី ៥០០ទៅ ១ ០០០យ័ន្ដ (ស្មើនឹង ៧៣ ទៅ ១៤៥ដុល្លារ)។ ចំណែកអ្នកទិញយកមកដុតនឹងត្រូវពិន័យពី ២៩ ទៅ ១៤៥ដុល្លារ។

បើតាមប្រភពសារព័ត៌មានចិន Chongqing Morning បានរាយការណ៍ថាក្រុមអ្នកផលិតក្រដាសសែនជាច្រើនអះអាងថា ពួកគេបានបញ្ឈប់ដំណើរការផលិតតាមសេចក្ដីប្រកាសហើយ។

អាជ្ញាធរទីក្រុង Harbin ចង់លប់បំបាត់ប្រពៃណីអាក្រក់ និងគាំទ្រការគោរពដូនតាតាមបែបស៊ីវិល័យ និងធ្វើឲ្យបរិស្ថានស្អាតវិញ។ បម្រាមខាងលើ ធ្វើឡើងនៅពីរ-បីសប្ដាហ៍ មុនពិធីបុណ្យឆេងម៉េងមកដល់។ អាជ្ញាធរបានពន្យល់ថា ការដុតក្រដាសសែននានា បានបង្កើតជាតិពុលប្រមាណ PM2.5 ត្រូវសាយភាយក្នុងក្រុង៕

ប្រភព៖ Dailymail ប្រែសម្រួល៖ ឡេង ភារុណ