គ្រូកម្ពុជាថា ប៉ះហ្សកដានីគឺជាប្រកួតសំខាន់ខ្លាំងណាស់សម្រាប់លោក

2017-03-27 01:43:54
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Leonardo Vitorino បានបញ្ជាក់ថាការប៉ះក្រុមហ្សកដានីគឺជាការប្រកួតមួយដែលលំបាក ហើយសំខាន់ខ្លាំងបំផុតសម្រាប់លោក ព្រោះវាជាប្រកួតផ្លូវការទី១សម្រាប់ក្រុមបាល់ទាត់ជម្រើសជាតិកម្ពុជា។

ក្រុមគោព្រៃកម្ពុជា បានចាកចេញពីកម្ពុជាទៅប្រទេសហ្សកដានីតាំងពីថ្ងៃទី២៣ម្ល៉េះ ដើម្បីធ្វើការហ្វឹកហាត់សមទីលាននៅទីនោះមុនការប្រកួតវគ្គជម្រុះ AFC Asian Cup ចាប់ផ្ដើមនៅថ្ងៃស្អែកវេលាម៉ោង១១យប់។ យ៉ាងណាមិញ មុនការចាកចេញទៅនោះដែរ ក្រុមកម្ពុជាក្រោមការដឹកនាំថ្មី ក៏បានសាកជើង១ប្រកួតជាមួយឥណ្ឌាហើយដែរ ដើម្បីជាការឱ្យកីឡាករយល់ចិត្តគ្នាខ្លាំងក្នុងប្រកួតមែនទែន។

មុននឹងចាកចេញពីកម្ពុជាទៅហ្សកដានី លោក Leo បាននិយាយខ្លះដែរថាលោកដឹងខ្លួនថានឹងប៉ះក្រុមខ្លាំង ដែលមានកីឡាករល្អៗច្រើន។ មួយវិញទៀតនេះជាប្រកួតសំខាន់មួយសម្រាប់លោក ក្នុងការដឹកនាំកម្ពុជាចូលលេងប្រកួតផ្លូវការ ក៏ដូចជាតំណាងប្រទេសកម្ពុជាផងដែរ។ លទ្ធផល គ្រូបង្វឹកសញ្ជាតិប្រេស៊ីលរូបនេះ មិនហាននិយាយមុនទេ ប៉ុន្តែលោកនិងកូនក្រុមទាំងអស់នឹងប្រឹងឱ្យអស់ពីសមត្ថភាព៕

អត្ថបទ៖ មុន្នីរម្យ