ស្ងាត់ៗ ភោ សុផានិត លេចមុខក្នុងជំនួញធំជាមួយជនជាតិជប៉ុន

2017-03-30 01:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីស្ងប់ស្ងាត់ពីសិល្បៈមួយរយៈកន្លងទៅនេះលោក ភោ សុផានិត បានលេចមុខក្នុងតួនាទីជាអ្នកគ្រប់គ្រងនៅភោជនីយដ្ឋាន Dara Beef Restaurant ជាមួយជនជាតិជប៉ុន ស្ថិតនៅ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ភោ សុផានិត បានប្រាប់ Sabay ថា លោកបានចូលមកគ្រប់គ្រងភោជនីយដ្ឋាន Dara Beef បានរយៈពេល១ខែតាមការអញ្ជើញពីសំណាក់មិត្តភក្តិជនជាតិជប៉ុនមានតួនាទីជានាយកគ្រប់គ្រងភោជនីយដ្ឋាន Dara Beef នេះតែម្ដង។ ចំណែកឯដើមទុនក្នុងការបើកភោជនីយដ្ឋានមួយនេះលោកគ្មានចំណែកទេ៖ "ដោយស្មោះត្រង់ទៅខ្ញុំមិនមែនជាម្ចាស់ភាគហ៊ុនទេគ្រាន់តែឆ្លើយតបការអញ្ជើញរបស់មិត្តភក្តិជនជាតិជប៉ុន និងជានាយកគ្រប់គ្រងនៅទីនេះ គាត់បានឲ្យខ្ញុំមកជួយសម្របសម្រួលការងារដែលផ្ដល់ឋានៈឲ្យខ្ញុំជាអ្នកគ្រប់គ្រង"។

ពិធីករជើងចាស់រូបនេះបន្តថា លោកគ្មានបទពិសោធន៍ក្នុងការគ្រប់គ្រងទេ ប៉ុន្តែលោកបានមើលគំរូគ្រប់គ្រងល្អៗពីបណ្តាភោជនីយដ្ឋានមួយចំនួនទាំងលក្ខណៈអន្តរជាតិ និងជាតិ ដើម្បីរៀនសូត្រពីបទពិសោធន៍ និងភាពជោគជ័យពីភោជនីយដ្ឋានទាំងអស់នោះ យកមកសហការជាមួយជនជាតិជប៉ុនតែម្ដងទៅ។ ក្រៅពីមានឋានៈជាអ្នកគ្រប់គ្រងនៅភោជនីយដ្ឋានលំដាប់អន្តរជាតិ Dara Beef Restaaurant From Japan លោក ភោ សុផានិត បាននាំចូលហ្វូមលេងមុខមកពីប្រទេសជប៉ុនមកចែកចាយនៅកម្ពុជាផងដែរ៕