សារមន្ទីរសេដ្ឋកិច្ច និងរូបិយវត្ថុ នឹងទទួលបាន វត្ថុបុរាណ និងវត្ថុសិល្បៈ ៦៧មុខ ពីសារមន្ទីរជាតិ

2017-03-29 08:58:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមសេចក្ដីប្រកាសព័ត៌មានរបស់ធនាគារជាតិនៃកម្ពុជា នៅវេលាម៉ោង៤រសៀល ថ្ងៃ២៩ មីនា ២០១៧ នេះ ធនាគារជាតិ និងក្រសួងវប្បធម៌ និងវិចិត្រសិល្បៈ នឹងរៀបចំពិធីចុះហត្ថលេខាស្ដីពី ការផ្ទេរវត្ថុបុរាណ និងវត្ថុសិល្បៈមួយចំនួន ពីសារមន្ទីរជាតិកម្ពុជា ទៅកាន់សារមន្ទីរសេដ្ឋកិច្ច និងរូបិយវត្ថុ។

សម្រាប់ពិធីចុះហត្ថលេខាផ្ទេរវត្ថុបុរាណខាងលើនោះ គឺដើម្បីឲ្យសាធារណជនជាតិ និងអន្តរជាតិ បានចូលទស្សនា និងសិក្សាស្វែងយល់ពីប្រវត្តិរូបិយវត្ថុនៅកម្ពុជា សារៈសំខាន់នៃរូបិយវត្ថុ ប្រព័ន្ធរូបិយវត្ថុ និងតួនាទីរបស់ធនាគារជាតិនៃកម្ពុជាក្នុងការរួមចំណែកអភិវឌ្ឍសេដ្ឋកិច្ច និងសង្គមជាតិកន្លងមក។ បន្ថែមពីនោះ គឺដើម្បីឲ្យសាធារណជនគ្រប់មជ្ឈដ្ឋានទៅស្វែងយល់នៅមជ្ឈមណ្ឌលឯកសាររូបិយវត្ថុនោះផងដែរ។

សម្រាប់វត្ថុបុរាណ និងវត្ថុសិល្បៈ ដែលត្រូវផ្ទេរមានចំនួន ៦៧មុខ រួមមាន កាស ប្រាក់ ផ្លែពន្លាក ដុំលោហៈ ដែកទាមថ្មប្រាសាទ កំសៀវទឹកប្រើប្រាស់ក្នុងសម័យបុរាណ...។ ធនាគារជាតិ នៃកម្ពុជាបានបញ្ជាក់ថា នឹងរក្សាទុកវត្ថុដ៏មានតម្លៃទាំងនោះ ជាសម្បត្តិបេតិកភណ្ឌរបស់ជាតិ៕