ធារី មានអារម្មណ៍យ៉ាងណា ពេលធ្វើប្រធានក្រុមក្រោមការបង្ហាត់គ្រូថ្មី
- 2017-03-30 02:33:03
- ចំនួនមតិ 0 | ចំនួនចែករំលែក 0
ធារី មានអារម្មណ៍យ៉ាងណា ពេលធ្វើប្រធានក្រុមក្រោមការបង្ហាត់គ្រូថ្មី
ចន្លោះមិនឃើញ
ខ្សែបម្រើ ធារី ចន្ថាប៊ីន បានក្លាយជាប្រធានក្រុមជម្រើសជាតិកម្ពុជា ក្រោមការដឹកនាំរបស់លោក Leonardo Vitorino គ្រូបង្វឹកថ្មីរបស់ក្រុមគោព្រៃ ដែលបានកាន់តំណែងចាប់ពីឆ្នាំ២០១៧នេះទៅ។
យ៉ាងណាមិញ ក្នុងនាមជាប្រធានក្រុមនេះដែរ ២ប្រកួតកន្លងមកនេះ ក្រុមកម្ពុជាមិនទាន់រកឃើញជ័យជម្នះនៅឡើយទេ ដោយប្រកួតដំបូងចាញ់ក្រុមឥណ្ឌាក្នុងលទ្ធផល ២-៣ ក្នុងការប្រកួតមិត្តភាព និងចាញ់ក្រុមហ្សកដានី ៧-០ ក្នុងការប្រកួត AFC Asian Cup ។ ចំពោះលទ្ធផលនេះ ធារី បានបញ្ជាក់ថាវាពិតជាធ្វើឱ្យអ្នកគាំទ្រពិបាកចិត្ត ប៉ុន្តែការចាញ់ក្រុមខ្លាំងដូចជាហ្សកដានីពិតជាល្អសម្រាប់កម្ពុជា ដើម្បីអភិវឌ្ឍខ្លួននៅថ្ងៃក្រោយ។
អតីតកីឡាករភ្នំពេញក្រោនរូបនេះបន្ដថា៖ “ខ្ញុំពិតជាសប្បាយចិត្ត និងមានមោទនភាពខ្លាំងណាស់ ក្នុងនាមធ្វើជាប្រធានក្រុម។ ក្នុងតំណែងនេះ វាពិតជាធ្វើឱ្យខ្ញុំប្រឹងប្រែងជាងមុនខ្លាំងណាស់ សម្រាប់ប្រទេសរបស់ខ្ញុំនិងខ្លួនឯងផ្ទាល់។ ខ្ញុំសូមអរគុណដល់អ្នកគ្រប់គ្នា ជាពិសេសគ្រូបង្វឹកដែលទុកចិត្តខ្ញុំ”។
ធារី ជាកីឡាករកូនខ្មែរកាត់បារាំង ដែលធ្លាប់លេងឱ្យភ្នំពេញក្រោន មុនពេលចាកចេញទៅលេងនៅក្លឹបនៅប្រទេសថៃ។ ខណៈដែលក្រោយពីចប់ការលេងឱ្យជម្រើសជាតិនេះ រូបគេនឹងត្រូវទៅប្រទេសថៃវិញ នៅព្រឹកថ្ងៃស្អែកនេះ៕