ថ្មី! កម្មវិធី «ហុងស៊ុយបែបវិទ្យាសាស្ត្រ» របស់ PNN

2017-03-30 11:26:24
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សម្នាក់ៗតែងតែចង់ដឹងពីរាសីរបស់ខ្លួន ទាំងដួងរាសីមនុស្ស និងដួងរាសីនៃការរៀបចំផ្ទះ ដើម្បីឲ្យបានសុខសប្បាយ រកស៊ីមានបាន ។ ដូច្នេះហើយទើបស្ថានីយទូរទស្សន៍ PNN បានបង្កើតកម្មវិធីថ្មីសន្លាងមួយដែលមានឈ្មោះថា កម្មវិធី «ហុងស៊ុយបែបវិទ្យាសាស្ត្រ»។

តើអ្នកចង់ដឹងពីហុងស៊ុយដែរទេ ?
តើអ្នកមានជំនឿទៅលើហុងស៊ុយដែរទេ ?
ចុះបើសិនជាការរៀបចំមិនបានត្រឹមត្រូវនឹងមានរឿងអ្វីកើតឡើងក្នុងជីវិតរបស់អ្នក ?

សូមកុំភ្លេចជួបជាមួយអ្នកគ្រូម៉ាលី ជាគ្រូដ៏ល្បីមួយរូបផ្នែកហុងស៊ុយ ដែលបានយល់ច្បាស់ពីជោគជាតារាសីរបស់មនុស្ស និងរាសីក្នុងការរៀបចំផ្ទះសម្បែង ។

អ្នកគ្រូម៉ាលីនឹងចុះទៅដល់គេហដ្ឋានរបស់តារាស្រីប្រុសកម្ពុជា ហើយក៏នឹងបង្ហាញ ព្រមទាំងណែនាំអំពីរបៀបនៃការរៀបចំផ្ទះទៅដល់ពួកគាត់ ដើម្បីឲ្យត្រូវនឹងក្បួនហុងស៊ុយ។

លោក ស៊ុន សន្តោស ផលិតករកម្មវិធីនៃស្ថានីយទូរទស្សន៍ភីអិនអិន បាននិយាយថា «កម្មវិធី "ហុងស៊ុយ" បង្កើតឡើងដោយមានគោលបំណងក្នុងការជួយបង្ហាញផ្លូវដល់បងប្អូនខ្មែរ ដែលកាត់ខ្សែស្រឡាយចិន ឲ្យគាត់បានដឹងពីហុងស៊ុយរបស់គាត់ ទាំងរឿងជីវិត និងរឿងហុងស៊ុយក្នុងការរៀបចំផ្ទះសម្បែង និងជោគវាសនារបស់មនុស្សច្រើនទៀត ហើយខ្ញុំមានជឿជាក់ថាកម្មវិធីនេះ នឹងធ្វើឲ្យបងប្អូនពេញចិត្ត នឹងចង់ទស្សនា»។

កម្មវិធី « ហុងស៊ុយបែបវិទ្យាសាស្ត្រ » នឹងផ្សាយជូនទស្សនានៅរៀងរាល់ថ្ងៃសៅរ៍ វេលាម៉ោង ៧ ដល់ម៉ោង ៧ និង៣០នាទីយប់ ចាប់ពីថ្ងៃទី១ ខែមេសាតទៅ នៅលើកញ្ចក់ទូរទស្សន៍PNN៕

ទស្សនាឈុតខ្លីសូមចុច៖

ដោយ៖ លីដា