យុវជននេសាទ២១ឆ្នាំ រសាត់អណ្ដែតលើសមុទ្រ២ខែ រួចជីវិតដោយសារ ផឹកទឹកភ្លៀង និងហូបស្លែ

2017-03-30 12:08:03
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជននេសាទ ជនជាតិហ្វីលីពីនវ័យ២១ឆ្នាំម្នាក់បានរួចរស់រានមានជីវិតឡើងវិញដោយពីការសង្គ្រោះរបស់នាវាជប៉ុន បន្ទាប់ពីរសាត់អណ្ដែតតាមទូកលើមហាសមុទ្រ អស់រយៈពេល ៥៦ថ្ងៃ។

រឿងរ៉ាវដើមទងនៃយុវជនឈ្មោះ Rolando Omongos ជាអ្នកនេសាទខាងលើបានកើតឡើង ពីពេលដែល រូបគេរួមដំណើរចេញផ្សងព្រេងទៅនេសាទជាមួយឪពុកមារបស់គេតាមទូកធំមួយ កាលពីថ្ងៃ ទី២១ ខែធ្នូឆ្នាំ២០១៧កន្លងទៅនៅឯកំពង់ផែ General Santos ភាគខាងត្បូងប្រទេសហ្វីលីពីន ។

ជាសំណាងអាក្រក់ ទូករបស់យុវជនហ្វីលីពីន និងបុរសវ័យ៣១ឆ្នាំជាពូរបស់គេ ត្រូវព្យុះបោកបក់កួចបាត់នៅថ្ងៃទី ១០ មករា ២០១៧។ ហើយពួកគេបានគេចពីព្យុះ រួចជីវិតតាមទូកតូចដែលភ្ជាប់មកជាមួយ។

យ៉ាងណាមិញ ប៉ុន្មានថ្ងៃក្រោយរួចជីវិត រលកព្យុះនៅតែបន្តបោកបក់ខ្លាំង ធ្វើឲ្យពួកគេត្រូវបង្ខំចិត្តដោះម៉ាស៊ីនទូកចេញ ដើម្បីរំដោះទូកកុំឲ្យលិច។

រសាត់អណ្ដែតលើផ្ទៃមហាសមុទ្ររយៈពេល១ខែ និងមិនអាចទ្រាំទ្រនឹងភាពហេវហត់ តាមរយៈការហូបតែទឹកភ្លៀង និងស្លែដាំលើទូកបាន ឪពុកមារបស់ Rolando Omongos បានស្លាប់ចោលយុវជននេសាទខាងលើ។ Rolando Omongos បានរក្សាទុកសពពូរបស់ខ្លួនលើទូក តែក្រោយមកក៏សម្រេចចិត្តទម្លាក់សពឪពុកមាចូលក្នុងសមុទ្រ ព្រោះមិនអាចទ្រាំនឹងក្លិនបាន ហើយបន្តតែលតោលអណ្ដែតតាមទូក ដោយពឹងលើទឹកភ្លៀង និងស្លែជាប់ទូក។

ជាភ័ព្វសំណាង ក្រោយរយៈពេល២ខែនៅលើសមុទ្រ Rolando Omongos ត្រូវនាវាជប៉ុន Wakaba Maru ដែលនៅក្បែរដែនសមុទ្រ ប្រទេស ប៉ាពូញូវហ្គីណេ ប្រទះឃើញនឹងចូលទៅជួយឲ្យរស់រានមានជីវិត។

Rolando Omongos បាននិយាយថា៖ " ខ្ញុំយំមិនឈប់ នៅពេលដែលគេមកសង្គ្រោះខ្ញុំ។ ខ្ញុំចាំថាខ្ញុំខ្សោយមែនទែន សូម្បីតែក្រោកឈរមិនបានផង ហើយក្រុមអ្នកជួយសង្គ្រោះបានគ្រាខ្ញុំ"។

យុវជននេសាទខាងលើរៀបរាប់ពីបទពិសោធន៍រសាត់អណ្ដែតលើសមុទ្របន្ថែមថា៖ " មានទូកនាវា មិនតិចជាង៤ទេ តែជិះកាត់ប្រទះឃើញពួកយើង (កាលពីឪពុកមានៅរស់) ខ្ញុំបានបក់ដៃស្រែករកជំនួយពីពួកគេ ប៉ុន្តែពួកគេមិនឈប់មកជួយសង្គ្រោះពួកយើងឡើយ"។

តាមសារព័ត៌មាន Daily Mail ជីវិតរបស់Rolando Omongos បានរសាត់អណ្ដែតលើផ្ទៃសមុទ្រ ចម្ងាយ៣២០០គីឡូម៉ែត្រពីប្រទេសហ្វីលីពីន ទៅដល់ប្រទេស ប៉ាពូញូវហ្គីណេ ហើយពេលនេះរូបគេបានត្រលប់ទៅដល់ប្រទេសកំណើតវិញ ដោយសុវត្ថិភាពហើយ៕

ប្រភព៖ Dailymail ប្រែសម្រួល៖ មាន រតនា

ប្រភព៖ Dailymail

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

អត្ថបទថ្មី

ចេញមុខហែកកេរ្តិ៍ HYBE មែន តែក្រុម K-Pop ទាំង ១០នេះ ក៏ Min Hee Jin មិនឲ្យរួចខ្លួនដែរ

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម