រូបភាពបន្ថែមពីករណី ជុំ លីណូ ជួបគ្រោះថ្នាក់ចរាចរណ៍ម្សិលមិញ

2014-11-07 19:24:33
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ជុំ លីណូ តារាចម្រៀងផលិតកម្ម Diamond បានជួបគ្រោះថ្នាក់ចរាចរណ៍មួយនាថ្ងៃម្សិលមិញវេលាម៉ោង ៦.៣០ នាទី លើកំណាត់ផ្លូវឆ្ពោះទៅខេត្តសៀមរាប ដោយរថយន្តរបស់លោកបានបុកគ្នាជាមួយម៉ូតូមួយគ្រឿង។ ហេតុការណ៍នោះ បានធ្វើឲ្យស្ត្រីវ័យ ៥០ម្នាក់បាត់បង់ជីវិតនៅហ្នឹងកន្លែង និងស្ត្រីម្នាក់ទៀតរងរបួសធ្ងន់ ឯលោក ជុំ លីណូ បានរួចជីវិត។

លោក លីណូ រួមជាមួយនឹងរថយន្តម៉ាក Celica របស់លោកបានធ្លាក់ទៅក្នុងស្រះទឹកក្បែរផ្លូវ ប៉ុន្តែដោយមិនមានរបួសអ្វីធ្ងន់ធ្ងរ និងមានស្មារតីលោកបានរួចជីវិតពីការឈ្លក់ទឹក។ តារាចម្រៀងរូបនេះប្រាប់ Sabay ម្សិលមិញថា មិនបានដឹងពីដំណើររឿងនៃគ្រោះថ្នាក់នេះទេ ដោយសារដេកលក់ ពេលដឹងខ្លួន គឺនៅក្នុងទឹកទៅហើយ ចំណែកឡាន គឺបងប្រុសជីដូនរបស់លោកម្នាក់ជាអ្នកបើក។

ម៉ូតូ និង រថយន្តរបស់តារាចម្រៀង លោក ជុំ លីណូ ត្រូវបានអាជ្ញាធរ យកទៅរក្សាទុកនៅ សាលាស្រុកពួក ក្រោយកើតហេតុ។ នៅព្រឹកនេះ លោក លីណូ បានប្រាប់ទៀតថា មិនទាន់មានអ្វីរីកចម្រើននៅឡើយពាក់ព័ន្ធនឹងគ្រោះថ្នាក់នេះ។

"អត់បានទាន់បានដោះស្រាយអីនៅឡើយទេ ព្រោះគ្រួសារអ្នកស្លាប់កំពុងជាប់រវល់ធ្វើបុណ្យសព"។ ចំណែកបងប្រុសជីដូនរបស់លោក ជាអ្នកបើកបរ ក៏កំពុងជាប់ក្នុងឃុំនៅឡើយដែរ។ លោក បន្ថែមថា ពេលនេះលោកស្ថិតនៅក្នុងខេត្តសៀមរាបនៅឡើយរង់ចាំដោះស្រាយ។ លោក ថា នឹងព្យាយាមដំណើររឿងនេះឲ្យបានឆាប់ចប់ ព្រោះលោកនៅជាប់រវល់កិច្ចការជាច្រើន៕

អត្ថបទ៖ វីដេអូនេះ ប្រជាជនថា ជុំ លីណូ គ្រោះថ្នាក់ចរាចរណ៍នៅសៀមរាបខ្ទេចឡាន ពិតអត់?

អត្ថបទ៖ ជុំ លីណូ រួចផុតជីវិត តែស្ត្រី ម្នាក់បានស្លាប់