ពលរដ្ឋស៊ីរីជាង១០០នាក់បែកពពុះមាត់ និងថប់ដង្ហើមស្លាប់ ក្រោយវាយប្រហារអាវុធគីមីលើទីក្រុង

2017-04-05 01:12:53
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់ប្រជាជនស៊ីរីប្រមាណ ១០០នាក់ បានថប់ដង្ហើមស្លាប់ក្នុងនោះមានកុមារតូច ១១នាក់ និងរាប់សិបនាក់ផ្សេងទៀតរងរបួសក្នុងការវាយប្រហារប្រើអាវុធគីមីនៅភាគពាយ័ព្យប្រទេសស៊ីរី កាលពីថ្ងៃអង្គារម្សិលមិញ។

កងកម្លាំងរដ្ឋាភិបាលស៊ីរីរបស់លោកអាសាដ ត្រូវគេចោទប្រកាន់ថា បានវាយប្រហារដោយប្រើប្រាស់ឧស្ម័នសារីនទៅលើទីក្រុង Khan Seikhoun ខេត្ត Idlib ដែលគោលបំណងសំដៅលើក្រុមឧទ្ទាម។

ក្រុមវេជ្ជបណ្ឌិតបានចុះទៅដល់កន្លែងកើតហេតុ និងឃើញជនរងគ្រោះរាប់សិបនាក់មានអាការៈពុល បែកពពុះមាត់ ថប់ដង្ហើម និងរាងកាយរឹងខ្វេរខ្វង់។

ចំណែកនាយករដ្ឋមន្ត្រីបានអំពាវនាវឲ្យមានការស៊ើបអង្កេតបន្ទាន់មួយចំពោះការវាយប្រហារដោយចោទថា ប្រសិនបើរកឃើញ វានឹងជាភស្តុតាងនៃអំពើសាហាវយង់ឃ្នងរបស់របបប្រធានាធិបតីអាសាដ។

សកម្មជនបក្សប្រឆាំងស៊ីរីបានអះអាងថា ការវាយប្រហារអាវុធគីមីនេះ បង្កឡើងដោយការវាយប្រហារតាមអាកាសរបស់កងកម្លាំងអាសាដ និងយន្តហោះចម្បាំងរុស្ស៊ី។ ប៉ុន្តែយោធារុស្ស៊ីបញ្ជាក់ថា យន្តហោះរបស់ខ្លួនមិនបានបើកប្រតិបត្តិការវាយប្រហារក្បែរទីក្រុងខាងលើឡើយ។

ការវាយប្រហារដ៏ឃោរឃៅដដែលគេជឿថា មានមនុស្សជាង ៤០០នាក់ផ្សេងទៀតបានរបួស ក្រោយស្រូបយកឧស្ម័នពុល៕