កម្មវិធីសង្ក្រាន្ត ខេត្តតាកែវ បណ្ដុះយុវជន ចេះបង្កើតមុខរបរ និង ការសាមគ្គីភាព

2017-04-05 09:39:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីអបអរពិធីបុណ្យចូលឆ្នាំថ្មីខាងមុខនេះ វិទ្យាស្ថានពហុបច្ចេកទេសបណ្ដុះបណ្ដាលវិជ្ជាជីវៈ ខេត្តតាកែវ បានរៀបចំកម្មវិធីសង្ក្រាន្តឆ្នាំថ្មីរួមទាំងកម្មវិធីតាំងពិព័រណ៍បង្ហាញពីស្នាដៃនិស្សិត និងការបោះជំរុំស្នាក់នៅក្នុងសាលារយៈពេល ៣ថ្ងៃ គិតចាប់ពីថ្ងៃទី ៤ ដល់ថ្ងៃទី ៦ ខែមេសា ២០១៧។

លោក មៀច បូរិទ្ធ នាយករងនៃវិទ្យាស្ថាន បានប្រាប់ Sabay ថា គោលបំណងចម្បងនៃកម្មវិធីនេះគឺផ្ដោតលើ៖

ទី១ ការតាំងពិព័រណ៍បង្ហាញស្នាដៃបច្ចេកវិជ្ជារបស់និស្សិត ដែលគាត់បានសិក្សាកន្លងមក។

ទី២ ការបោះជំរំស្នាក់នៅរបស់និស្សិតដែលជាផ្នែកមួយនៃការហ្វឹកហាត់ពីរបៀបរស់នៅជាក្រុមពេលដែលពួកគេឃ្លាតឆ្ងាយពីគ្រួសារ។

ទី៣ គឺការបង្ហាញពីផលិតផលរបស់និស្សិត ក៏ដូចជា ការបង្កើតមុខរបរលក់ដូរផ្សេងៗ ក្នុងអំឡុងពេលមានភ្ញៀវមកទស្សនាការតាំងពិព័រណ៍នេះដើម្បីអោយពួកគាត់មានបទពិសោធន៍គ្រប់គ្រាន់ក្នុងការប្រកបរបររកស៊ីនៅពេលដែលគាត់ចេញពីសាលាទៅ អាចយកបទពិសោធន៍នេះទៅប្រើបានដោយមិនចាំបាច់តែពឹងទៅលើការងារក្នុងការិយាល័យនោះទេ។

យុវជន ពុំ ស្រីណាវ រៀនផ្នែកអក្សរសាស្ត្រអង់គ្លេសឆ្នាំទី៣ បានអោយដឹងថា កញ្ញាមានអារម្មណ៍ថាបានទទួលយកបទពិសោធន៍ថ្មីមួយក្នុងស្វែងយល់ពីរបៀបលក់ម្ជូរស្វាយ។ ”នេះជាលើកទី១ហើយសម្រាប់នាងខ្ញុំក្នុងការហ្វឹកហាត់ជំនាញលក់លើទីផ្សារ”។ ស្រី ណាវ បញ្ជាក់។

ដោយឡែក យុវជន ខាត់ រស្មី និស្សិតផ្នែកព័ត៌មានវិទ្យាបានអោយដឹងថា៖ “ខ្ញុំមានអារម្មណថាការចូលរួមបោះជំរុំនេះបានបង្កើនការយល់ដឹងពីរបៀបរស់នៅជាក្រុមចេះសាមគ្គីគ្នា ជួយយកអាសាគ្នាទៅវិញទៅមកទោះជាវាមានរយៈពេលខ្លីពិតមែនតែវាពិតជាល្អប្រសើរណាស់”។