ប្រវត្តិខ្លះៗនៃសារធាតុគីមី «សារីន» ដែលប្រើវាយប្រហារនៅស៊ីរី គ្រោះថ្នាក់ដល់ម្លឹង

2017-04-06 08:34:34
ចំនួនមតិ 0 | ចំនួនចែករំលែក 0

ចន្លោះមិនឃើញ

សារធាតុគីមី "សារីន" ដែលបានប្រើក្នុងការវាយប្រហារនៅទីក្រុង Khan Sheikhoun ប្រទេសស៊ីរី កាលពីថ្ងៃអង្គារថ្មីៗនេះ បានឆក់យកជីវិតពលរដ្ឋស្លូតត្រង់រាប់សិបនាក់រួមទាំង ១១នាក់ និងធ្វើឲ្យមនុស្សឈឺចុកចាប់ចូលមន្ទីរពេទ្យជាច្រើននាក់ផ្សេងទៀត។

ទាំងអ្នកស៊ើបការណ៍អាមេរិក និងកងកម្លាំងរុស្ស៊ីក្នុងប្រទេសស៊ីរី បានចោទប្រកាន់រដ្ឋាភិបាលស៊ីរីរបស់លោកអាសាដ ជាអ្នកនៅពីក្រោយការប្រើអាវុធគីមីទាំងនេះ។ តើ សារីន បង្កើតឡើងនៅពេលណា និងធ្លាប់ប្រើក្នុងសង្គ្រាមពីមុនមកទេ?

សារីន មានរូបមន្តគីមី C4H10FO2P ត្រូវបានបង្កើតឡើងដំបូងដោយគីមីវិទូអាល្លឺម៉ង់លោក Gerhard Schrader ក្នុងឆ្នាំ ១៩៣៧ សម្រាប់សម្លាប់សត្វល្អិតប៉ុណ្ណោះ តែក្រោយមកត្រូវគេវិវឌ្ឍទៅជាភ្នាក់ងារបំផ្លាញប្រព័ន្ធប្រសាទព្រោះវាមានឥទ្ធិពលដល់រាងកាយមនុស្ស។ សារធាតុរាវនេះ គ្មានពណ៌ គ្មានក្លិន គ្មានរសជាតិ និងអាចជ្រាបចូលក្នុងស្បែក សួត ភ្នាសកោសិកា ថែមទាំងអាចលាយជាមួយទឹកបានទៀតផង។

នៅពេលសារីន ជ្រាបចូលក្នុងខ្លួនមនុស្សតាមរយៈការផឹក ប៉ះផ្ទាល់ ឬស្រូបចំហាយ វានឹងធ្វើឲ្យឈឺចុកចាប់ខ្លាំង ថប់ដង្ហើម ភ្នែកឡើងក្រហម ប្រកាច់ បែកពពុះមាត់ សន្លប់ ហើយអាចក្លាយទៅជាពិការមួយជីវិត តែវាមិនបង្កឲ្យជនរងគ្រោះខ្វាក់ភ្នែក ឬអត់កូននោះទេ។ វាអាចសម្លាប់មនុស្សក្រោមរយៈពេល ១០នាទីប៉ុណ្ណោះ។

ចាប់តាំងពីរកឃើញក្នុងឆ្នាំ ១៩៣៧ វាត្រូវបានគេប្រើជាអាវុធគីមីជាបន្តបន្ទាប់ក្នុងការសម្លាប់សត្រូវ។ មេដឹកនាំអាល្លឺម៉ង់ណាស៊ី អ៊ីត្លែ ក៏ធ្លាប់ប្រើក្នុងសង្គ្រាមលោកលើកទី ២ដែរ។

ក្នុងឆ្នាំ ១៩៨៨ រដ្ឋាភិបាលអ៊ីរ៉ាក់បានសម្លាប់ក្រុមឧទ្ទាមឃឺដប្រមាណ ៥០០០នាក់ ដោយប្រើសារីន និងម្សៅស្ពាន់ធ័រនៅទីក្រុង Halahbja។

ក្នុងឆ្នាំ ១៩៩៥ ក្រុមជំនឿសាសនា Aum Shinrykio ក្នុងប្រទេសជប៉ុន បានប្រើសារធាតុសារីន សម្លាប់មនុស្ស ១២នាក់ និងរបួសរាប់ពាន់នាក់ក្នុងការវាយប្រហារតាមរថភ្លើងក្រោមដីនៅទីក្រុងតូក្យូ៕