ម្ចាស់មេដាយមាសប៉េតង់ពិភពលោកឆ្នាំ២០១៧ បាន៤ម៉ឺនដុល្លារជារង្វាន់

2017-04-20 10:11:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពិធីជួបសំណេះសំណាលជាមួយសម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាមុននេះនៅវិមានសន្តិភាព សម្ដេចបានប្រកាសថា កញ្ញា អ៊ុក ស្រីមុំ ដែលទើបឈ្នះមេដាយមាសពិភពលោកកីឡាប៉េតង់ឆ្នាំ២០១៧ ទទួលបានថវិកាពីក្រសួងអប់រំយុវជន និងកីឡា ចំនួន៣ម៉ឺនដុល្លារ និងថវិកាពីសម្ដេចផ្ទាល់ចំនួន១ម៉ឺនដុល្លារបន្ថែមទៀត។

ពិធីដង្ហែក្រុមកីឡាករ-កីឡាការនីប៉េតង់ពេលត្រឡប់ពីប្រទេស បែលហ្សិក

បន្ថែមលើកពីនេះលោក សុខ ម៉ុង គ្រូបង្វឹកកីឡាប៉េតង់ជម្រើសជាតិកម្ពុជា ទទួលបានថវិកាពីក្រសួងអប់រំចំនួន ៣ម៉ឺនដុល្លារអាមេរិកដូចគ្នា និងទទួលបានថវិកាឧបត្ថម្ភពីសម្ដេចចំនួន ៣ពាន់ដុល្លារបន្ថែមទៀត។ ស្របពេលកីឡាករ ញ៉ែម បូរ៉ា និងកីឡាការិនី ស្រ៊ាង សុរ៉ាឃីម ដែលបានឈ្នះមេដាយប្រាក់លើវិញ្ញាសាវាយគូចម្រុះទទួលបានក្នុងម្នាក់ៗនូវទឹកប្រាក់ចំនួន២ម៉ឺនដុល្លារអាមេរិក និងថវិកាឧបត្ថម្ភពីសម្ដេចចំនួន២ពាន់ដុល្លារផងដែរ។

កីឡាការិនី អ៊ុក ស្រីមុំ ដណ្ដើមបានមេដាយមាសកម្រិតពិភពលោកកាលពីពេលថ្មីៗនេះនៅប្រទេសបែលហ្សិកទីក្រុង Ghent ដោយយកឈ្នះកីឡាការិនីមកពីប្រទេស ទុយណេស៊ី Mouna BEJI ១៣-៧ ពិន្ទុនាវគ្គផ្ដាច់ព្រ័ត្រលើវិញ្ញាសាវាយឯកត្តជននារី៕

ថវិកាដែលទទួលបាន