Nokia 3310 ស៊េរី ២០១៧ តម្លៃអាចហក់ឡើងក្បែរ ១០០ ដុល្លារ នៅតំបន់អឺរ៉ុប
- 2017-04-24 03:39:08
- ចំនួនមតិ 0 | ចំនួនចែករំលែក 0
Nokia 3310 ស៊េរី ២០១៧ តម្លៃអាចហក់ឡើងក្បែរ ១០០ ដុល្លារ នៅតំបន់អឺរ៉ុប
ចន្លោះមិនឃើញ
កាលពីអំឡុងខែកុម្ភៈកន្លងទៅ ក្រុមហ៊ុន HDM Global បានប្រកាសទូរសព្ទ Nokia 3310 ក្នុងតម្លៃប្រមាណ ៥២ ដុល្លារ ហើយថ្មីនេះឮដំណឹងថា ក្រុមហ៊ុនត្រៀមលក់នៅតំបន់អឺរ៉ុបចាប់ពីសប្ដាហ៍ក្រោយ តែតម្លៃអាចហក់ឡើងដល់ប្រហែល ១០០ ដុល្លារ។
ប្រទេសអូទ្រីស នឹងដាក់លក់ចាប់ពីថ្ងៃទី ២៨ មេសាតទៅ តម្លៃ ៥៩ អ៊ឺរ៉ូ (ប្រហែល ៦៣ ដុល្លារ) តែហាងចែកចាយមួយចំនួន បានបញ្ចុះតម្លៃមកសល់ក្បែរ ៥៦ ដុល្លារវិញ ដើម្បីទាក់ទាញអតិថិជន។
ប្រទេសស៊ុយអែត អាចផ្តល់ជម្រើស Nokia 3310 (២០១៧) ដំណើរការប្រព័ន្ធ 3G ប៉ុន្តែតម្លៃមិនក្រោម ៩៣ អ៊ឺរ៉ូ (ប្រហែល ៩៩ ដុល្លារ) ឯណោះ ខណៈការដាក់ចាប់លក់ពីខែឧសភាតទៅ។ យ៉ាងដំណឹងនេះ ពុំទាន់មានការបញ្ជាក់ជាផ្លូវការនៅឡើយទេ។
ប្រទេសអាល្លឺម៉ង់ត្រៀមដាក់លក់ចាប់ពីថ្ងៃទី ២៨ មេសាតទៅ តម្លៃ ៥៨ អ៊ឺរ៉ូ (ប្រហែល ៦២ ដុល្លារ) ប៉ុន្តែដំណើរការបាន តែប្រព័ន្ធ 2G ប៉ុណ្ណោះ។
ដោយសារអត្រាពន្ធតាមប្រទេសនីមួយនៅតំបន់អ៊ឺរ៉ុបខាងលើ ទើបធ្វើឲ្យតម្លៃ Nokia 3310 លក់រាងថ្លៃជាងតម្លៃរបស់ក្រុមហ៊ុន HDM Global៕