គូស្នេហ៍វ័យក្មេងមួយគូ ជ្រើសរើស Pre-Wedding នៅព្រះអង្គចេក ព្រះអង្គចម ព្រោះជឿ...
- 2017-04-30 03:52:23
- ចំនួនមតិ 0 | ចំនួនចែករំលែក 0
គូស្នេហ៍វ័យក្មេងមួយគូ ជ្រើសរើស Pre-Wedding នៅព្រះអង្គចេក ព្រះអង្គចម ព្រោះជឿ...
ចន្លោះមិនឃើញ
គូស្នេហ៍វ័យក្មេងមួយគូបានជ្រើសរើសទីតាំងបរិវេណ និង ទីសក្ការ ព្រះអង្គចេក ព្រះអង្គចម ជាទីថតPre-Wedding ព្រោះជឿថា បរិវេណសួននៅទីនេះស្អាត និង ជាទីមានបារមី ដើម្បីបួងសួងបើកផ្លូវឲ្យស្នេហាពួកគេទទួលបានភាពផ្អែមល្ហែម ក្រោយពីរៀបការរួច។
លោក ស៊ី រ៉ន អាយុ ២៣ឆ្នាំ និង កញ្ញា សុភស្ស ដែលជាអនាគតភរិយាបានមកថត Pre-Wedding នៅទីតាំងបរិវេណព្រះអង្គចេក ព្រះអង្គចម បានប្រាប់ Sabay ថា "ខ្ញុំមកទីនេះដើម្បីបួងសួងឲ្យពួកយើងបានសេចក្ដីសុខ ហើយការសម្រេចចិត្តជ្រើសរើសទីតាំងនេះ ព្រោះជាកន្លែងមានសួនច្បារស្អាតផង និង ជាទីសក្ការស័ក្ដិសិទ្ធិផង"។
នៅពេលចោទសួរថា តើលោកមកទីនេះដើម្បីធ្វើពិធីស្បថស្បែដើម្បីបញ្ជាក់សេចក្ដីស្រឡាញ់មុនរៀបការ? រ៉ន បានឆ្លើយយ៉ាងខ្លីថា អត់ទេបង "យើងបួងសួងសុំសេចក្ដីសុខ"។
ទោះបីជាយ៉ាងណា ស៊ី រ៉ន បានរៀបរាប់ថា មិនមែនមានតែគូស្នេហ៍ខ្លួនទេ គឺមានគូស្វាមី ភរិយាជាច្រើន ក៏បានមកទីនេះរួចមកហើយ ព្រោះតែពួកគេជឿលើបារមីព្រះអង្គចេក ព្រះអង្គចម និង ក្រុមអ្នកថត Pre-Wedding តែណែនាំមកទីនេះផងដែរ។
សូមស្ដាប់ការពន្យល់របស់ ស៊ីរ៉ន តាមរយៈវីដេអូខាងក្រោមនេះ៖
ស៊ីរ៉ន និង សុភស្ស ក្រោយពីថតរូប Pre-Wedding នេះហើយ គ្រោងនឹងចូលរោងជ័យនៅដើមខែឧសភា ឆាប់ៗនេះ។ ពួកគេមានជំនឿថា ក្រោយពីបុណ្យស្រន់ព្រះអង្គរួច នឹងធ្វើឲ្យស្នេហារបស់ពួកគេរឹងរឹតតែមានសុភមង្គល រុងរឿង ថ្កើងថ្កាន តទៅមុខផងដែរ។