ស្មានមិនដល់! ក្រៅពីសម្ដែង នាយងោះ កាន់កាប់ការងារធំដល់ថ្នាក់នេះសោះ

2017-05-02 04:10:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនិកជនភាគច្រើនដែលធ្លាប់បានតាមដានរឿងភាគបុរាណថៃ "ខ្យងស័ង្ខ” ប្រាកដជានៅចាំបាន តួអង្គ "នាយងោះ" ជាក់ជាមិនខាន។

ជាមួយកាយវិការសម្ដែងបែបកំប្លែង ក្រមិចក្រមើម ភាពរហ័សរហួន និងគួបផ្សំនឹងរូបរាងរបស់តារាប្រុសរូបនេះផងនោះ បានធ្វើឲ្យទស្សនិកជនមិនថាចាស់ ឫក្មេងមានការគាំទ្រលោកជាខ្លាំង។

យ៉ាងណាមិញ តារាប្រុសដែលអ្នកគាំទ្រតែងហៅថា "នាយងោះ" រូបនេះ មានឈ្មោះពិត Phipachphun Aphisith បានចូលប្រឡូកក្នុងវិស័យសិល្បៈផ្នែកសម្ដែង តាំងតែពីតូចមកម្ល៉េះ និងត្រូវបានទស្សនិកជនថៃជាច្រើនស្ញប់ស្ញែងសមត្ថភាពសិល្បៈរបស់លោក។

អ្វីដែលគួរឲ្យភ្ញាក់ផ្អើលមួយទៀតនោះគឺ លោកមិនត្រឹមតែជាតារាសម្ដែងទេ លោកថែមទាំងជាអ្នកដឹកនាំរឿងដែលពោរពេញទៅដោយទេពកោសល្យខ្ពស់ម្នាក់ក្នុងវិស័យភាពយន្តថៃផងដែរ។ ដោយសារបទពិសោធន៍ក្នុងការសម្ដែងដែលលោកទទួលបានតាំងពីកុមារ ទើបជំរុញឲ្យលោកបានវិវត្តខ្លួនទៅជាអ្នកដឹកនាំរឿងដ៏ល្អម្នាក់ ហើយស្នាកដៃដឹកនាំរឿងរបស់តួ "នាយងោះ” រូបនេះត្រូវបានទទួលបានការគាំទ្រមិនតិចទេ៕