រឿងដែលស្ត្រីគួរធ្វើ និងមិនគួរធ្វើ

2017-05-03 04:56:45
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីសម័យបុរាណ វិទ្យាសាស្ត្រនៅមិនទាន់មានការរីកចម្រើនជឿនលឿនដូចសម័យបច្ចុប្បន្ននេះឡើយ។ ដូច្នេះហើយបានជាស្ត្រីៗត្រូវពឹងលើជំនឿដែលមានតាំងពីជំនាន់ដូនតាមកម្លេះ ប៉ុន្តែតើអ្នកជឿទេថាជំនឿខ្លះស័ក្តសិទ្ធិរហូតទាល់តែធ្វើឲ្យ ស្ត្រីសម័យថ្មីនេះគោរពប្រតិបត្តិតាមរហូតមកដល់សព្វថ្ងៃ។

អ្វីដែលស្ត្រីមិនគួរធ្វើ៖

1. សូមកុំពាក់របស់ថ្មីនៅថ្ងៃអង្គារព្រោះវានឹងធ្វើឲ្យមានជម្លោះពាក្យសម្តីជាមួយសង្សារ។

2. ហើយសូមកុំពាក់របស់ថ្មីនៅថ្ងៃសៅរ៍ ព្រោះវានឹងធ្វើឲ្យកើតមានរឿងសោកស្តាយ ឫខូចចិត្តអ្វីមួយ។

3. បើមានណាត់នៅថ្ងៃសុក្រ មិនត្រូវស្លៀកពាក់សម្លៀកបំពាក់ពណ៌ខ្មៅពីព្រោះនាំឲ្យដៃគួណាត់មិនស្មោះនឹងអ្នក។

4. មិនត្រូវទិញទឹកអប់ឲ្យសង្សារឡើយ ពីព្រោះវាធ្វើឲ្យចែកផ្លូវគ្នាដោយសារការប្រើទឹកអប់ប្រៀបដូចជា ការបង្កើតមន្តស្នេហ៍ឲ្យសង្សារ ធ្វើឲ្យគេមានកម្លាំងទាក់ទាញចំពោះមនុស្សដែលមានភេទផ្ទុយគ្នាកាន់តែខ្លាំង រហូតទាល់តែអ្នកមិនអាចឃាត់ជាប់។

5. មិនត្រូវឲ្យស្បែកជើងទៅសង្សារឡើយ ព្រោះវាជាប្រផ្នូលអាក្រក់ថា គេនឹងដើរចេញពីអ្នក និងមិនត្រូវរោយអំបិលដាក់ចានអាហារអ្នកដទៃឡើយ ព្រោះវានឹងធ្វើឲ្យសំណាងអាក្រក់។

6. ប្រសិនបើរបស់ដែលសង្សារឲ្យ បែរជាប្រះស្រាំ ឫមានប្រផ្នូលដូចជាក្រវិលបាត់ម្ខាងត្រូវប្រញាប់បោះចោលភ្លាម ពីព្រោះវាជាហេតុផលមិនល្អចំពោះស្នេហារបស់អ្នក ឫទោះបីជានៅជាមួយគ្នាក៏គ្មានសេចក្តីសុខដែរ។

អ្វីដែលស្ត្រីគួរធ្វើ៖

1. ត្រូវប្រើរបស់ថ្មីនៅថ្ងៃសុក្រ ពីព្រោះវាអាចបង្កើតមន្តស្នេហ៍ដល់ខ្លួន និងធ្វើឲ្យគេអាណិតស្រឡាញ់។

2. បើពាក់គ្រឿងលម្អនៅថ្ងៃសៅរ៍ និងធ្វើឲ្យអ្នកមានថាមពលអាថ៏កំបាំង។

3. បើមានណាត់នៅថ្ងៃសៅរ៍ ត្រូវស្លៀកពាក់សម្លៀកបំពាក់ពណ៌ខៀវ នោះនឹងធ្វើឲ្យដៃគួណាត់ចង់ពិភាក្សាជាមួយអ្នក ហើយបើស្លៀកពាក់សម្លៀកបំពាក់ពណ៌ខ្មៅនោះនឹងធ្វើឲ្យអ្នកមានមន្តស្នេហ៍ទាក់ទាញចំពោះមនុស្សភេទផ្ទុយគ្នា។

4. បើពាក់ក្រវិលរូបទ្រនាប់ជើងសេះ និងអាចជួយបណ្តេញគ្រោះអាក្រក់ទាំងឡាយចេញពីខ្លួនបាន។

5. បើការបូបដាក់ប្រាក់របស់អ្នកដាច់រហែកអ្នកគួរតែបោះចោលព្រោះចាស់បុរាណមានជំនឿថា ការប្រើការបូបដាច់រហែកនឹងបណ្តាលឲ្យទុកប្រាក់មិនគង់ ដោយប្រាក់កាសនឹងលេចធ្លាយចេញអស់៕

អត្ថបទ៖ ហេង នាង (CCJ)