រដ្ឋមួយនៅឥណ្ឌា ដាក់ឲ្យប្រើរថយន្តសង្គ្រោះគោបន្ទាន់
- 2017-05-03 07:24:29
- ចំនួនមតិ 0 | ចំនួនចែករំលែក 0
រដ្ឋមួយនៅឥណ្ឌា ដាក់ឲ្យប្រើរថយន្តសង្គ្រោះគោបន្ទាន់
ចន្លោះមិនឃើញ
ឧបនាយករដ្ឋមន្ត្រីប្រចាំរដ្ឋ Uttar Pradesh ប្រទេសឥណ្ឌា លោក Keshav Prasad Maurya បានសម្រេចដាក់ឲ្យប្រើប្រាស់សេវារថយន្តសង្គ្រោះបន្ទាន់សម្រាប់សត្វគោផ្ដាច់មុខកាលពីថ្ងៃច័ន្ទកន្លងទៅ។
នៅតាមរថយន្តសង្គ្រោះនីមួយៗមានគ្រូពេទ្យសត្វ និងជំនួយការចាំជួយមើលការខុសត្រូវពេលកំពុងដឹកសង្គ្រោះ។ រថយន្តពិសេសនេះ នឹងជួយដឹកគោត្រូវរបួស មានជំងឺ ចាស់ និងគោស៊ីអាហារពុលផ្សេងៗទៅកាន់មន្ទីរពេទ្យសត្វ។
ការដាក់ដំណើរការដំបូងខាងលើនឹងត្រូវធ្វើឡើងនៅទីក្រុង ៥ សិនដូចជា Lucknow, Gorakhpur, Varanasi, Mathura និង Allahabad ហើយឆាប់ៗខាងមុខគេនឹងពង្រីកនៅទូទាំងរដ្ឋ។
លោក Maurya ក៏បានព្រមានចាត់វិធានការស្របច្បាប់ប្រឆាំងអ្នកណាដែលបោះបង់គោចោលដែរនៅពេលវាអស់ទឹកដោះ។
គួរបញ្ជាក់ថា គោរាប់ពាន់ក្បាលបានងាប់ក្នុងមួយឆ្នាំៗនៅរដ្ឋ Uttar Pradesh និងទូទាំងប្រទេសបន្ទាប់ពីឈ្លក់ជាតិពុលក្នុងថង់ប្លាស្ទិកគេបោះចោល និងសារធាតុពុលជាច្រើនទៀតក្នុងសំរាម៕