បែកធ្លាយ អូបាម៉ា ធ្លាប់ព្រមាន ត្រាំ រឿងមួយ តែ ត្រាំ មិនព្រមស្តាប់

2017-05-09 03:34:46
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតប្រធានាធិបតីអាមេរិក បារ៉ាក់ អូបាម៉ា ធ្លាប់បានព្រមាន ប្រធានាធិបតីអាមេរិក ដូណាល់ ត្រាំ ចំពោះរឿងជួល លោក Michael Flynn មកធ្វើជាទីប្រឹក្សាសន្តិសុខជាតិ ក្នុងអំឡុងកិច្ចប្រជុំមួយ បន្ទាប់ពីការបោះឆ្នោត ក្នុងឆ្នាំ២០១៦។ នេះបើយោងតាមសម្ដីអតីតមន្ត្រី៣រូបរបស់ លោក អូបាម៉ា។

លោក Michael Flynn

ជាមួយគ្នានេះដែរ មន្ត្រីរបស់លោក ត្រាំ បាននិយាយថា លោក អូបាម៉ា មិនចូលចិត្ត លោក Michael Flynn ឡើយ។ មិនតែប៉ុណ្ណោះ សេតវិមាន បានទទួលស្គាល់ កាលពីថ្ងៃច័ន្ទម្សិលមិញនេះថា លោក អូបាម៉ា ពិតជាធ្លាប់បានប្រឹក្សា លោក ត្រាំ មិនឲ្យជួល លោក Flynn ពិតមែន។

ដូណាល់ ត្រាំ និង អូបាម៉ា

«លោក Flynn ធ្លាប់ធ្វើការឲ្យអតីតប្រធានាធិបតី អូបាម៉ា ហើយជាអ្នករិះគន់ឥតសំចៃ ចំពោះកំហុសដែលទាក់ទងទៅនឹង កង្វះយុទ្ធសាស្ត្រប្រឈមជាមួយក្រុម ISIS និង ការគំរាមកំហែងដទៃទៀត ដែលប្រឈមមុខជាមួយអាមេរិក»។ នេះបើតាមសម្ដី លេខាធិការនៃសេតវិមាន លោក Sean Spicer។

គួរបញ្ជាក់ថា លោក Flynn បានលាចេញពីតំណែង កាលពីខែកុម្ភៈ កន្លងទៅនេះ បន្ទាប់ពីមានរបាយការណ៍បង្ហាញថា លោកបានពិភាក្សាលើការដាក់ទណ្ឌកម្មរបស់សហរដ្ឋអាមេរិកទៅលើរុស្ស៊ី ជាមួយនឹងឯកអគ្គរដ្ឋទូតរុស្ស៊ី Sergey Kislyak ក្នុងអំឡុងការផ្ទេរតំណែងប្រធានាធិបតី ដែលផ្ទុយទៅនឹងការតំណាងសាធារណៈនៃសេតវិមាន៕

ប្រភព៖ Dailymail ប្រែសម្រួល៖ សេង ឡុង